ഭുവനേശ്വർ: വിഷാദവും അമിതവണ്ണവും ആശങ്കാജനകമായ വിഷയമായി മാറുകയാണെന്ന് പ്രസിഡന്റ് ദ്രൗപതി മുർമു പറഞ്ഞു. വിഷാദരോഗത്തെ ചികിത്സിക്കാൻ വൈദ്യശാസ്ത്രത്തിന് പുറമേ അവബോധവും ആവശ്യമാണെന്ന് ഭുവനേശ്വറിലെ എയിംസിന്റെ അഞ്ചാമത് ബിരുദദാന ചടങ്ങിൽ പ്രസംഗിക്കവേ മുർമു പറഞ്ഞു.(President Murmu expresses concern over depression)
"ജീവിതശൈലിയിലെ മാറ്റം മാനസിക സമാധാനം നൽകും. യോഗയും പ്രാണായാമവും മാനസികാരോഗ്യത്തിന് സഹായകമാകും," ആരോഗ്യകരമായ ജീവിതശൈലിയുടെ ഗുണങ്ങളെക്കുറിച്ച് ആളുകളെ ബോധവാന്മാരാക്കാൻ ഡോക്ടർമാരോട് അവർ ആവശ്യപ്പെട്ടു.