അമരാവതി: 11-ാമത് അന്താരാഷ്ട്ര യോഗാ ദിനത്തിന് ഗിന്നസ് ലോക റെക്കോഡ് ലക്ഷ്യമിടുന്നതായി ആന്ധ്രാപ്രദേശ് മുഖ്യമന്ത്രി എൻ. ചന്ദ്രബാബു നായിഡു വ്യക്തമാക്കി(Yoga Day). വിശാഖപട്ടണത്ത് നടക്കുന്ന അന്താരാഷ്ട്ര യോഗ ദിനാചരണത്തിന് പ്രധാനമന്ത്രി നരേന്ദ്ര മോദി നേതൃത്വം നൽകും.
ആന്ധ്രാ സർവകലാശാലയിൽ 25,000 ആദിവാസി കുട്ടികൾ 108 മിനിറ്റിനുള്ളിൽ 108 സൂര്യനമസ്‌കാരങ്ങൾ അവതരിപ്പിക്കുന്നത് ആഘോഷത്തിന്റെ ഒരു ശ്രദ്ധേയമായ സവിശേഷതയാണ്. പരിപാടിയുടെ ഭാഗമായി 50 ലക്ഷത്തിലധികം യോഗ സർട്ടിഫിക്കറ്റുകൾ വിതരണം ചെയ്യുമെന്നും അദ്ദേഹം കൂട്ടി ചേർത്തു.
അതേസമയം 2 കോടിയിലധികം ജനങ്ങൾ യോഗാ ദിനാചരണത്തിൽ പങ്കെടുക്കുമെന്നാണ് പ്രതീക്ഷിക്കുന്നത്. ഇന്ത്യയ്ക്ക് പുറമെ ലോകത്തിന്റെ വിവിധഭാഗങ്ങളിൽ യോഗ പരിശീലനത്തിന് സൗകര്യങ്ങൾ ഒരുക്കിയിട്ടുണ്ട്.