ബീഹാർ : മദ്യനിരോധന നിയമം നടപ്പിലാക്കാൻ ചുമതലപ്പെടുത്തിയ പോലീസ് ഉദ്യോഗസ്ഥർ , നിയമം ലംഘിച്ചതിന് പിടിക്കപ്പെട്ടു. ഭഗവാൻ ബസാർ പോലീസ് സ്റ്റേഷൻ പ്രദേശത്തെ ഗന്ധക് കോളനി ചെക്ക് പോസ്റ്റിൽ വ്യാഴാഴ്ച രാത്രി വൈകി എസ്എസ്പി ഡോ. കുമാർ ആശിഷ് റെയ്ഡ് നടത്തി. ഈ സമയം , ചെക്ക് പോസ്റ്റ് ഇൻചാർജ് സബ് ഇൻസ്പെക്ടർ ശ്യാം ബിഹാരി പാണ്ഡെയും മറ്റ് അഞ്ച് പേരും ചേർന്ന് മദ്യ പാർട്ടി നടത്തുന്നതായി കണ്ടെത്തി. തുടർന്ന് ഇവരെ അറസ്റ്റ് ചെയ്യുകയായിരുന്നു.
നാക്ക ഇൻ-ചാർജിനെ ഉടനടി സസ്പെൻഡ് ചെയ്തതായും വകുപ്പുതല നടപടി ആരംഭിച്ചതായും എസ്എസ്പി പറഞ്ഞു. ഈ വിഷയത്തിൽ ഭഗവാൻ ബസാർ പോലീസ് സ്റ്റേഷനിൽ ഒരു എഫ്‌ഐആർ രജിസ്റ്റർ ചെയ്തിട്ടുണ്ട്. മദ്യക്കുപ്പികൾ, സ്റ്റീൽ പ്ലേറ്റുകൾ, സിഗരറ്റ് പാക്കറ്റുകൾ, ശീതളപാനീയങ്ങൾ തുടങ്ങിയവ സംഭവസ്ഥലത്ത് നിന്ന് കണ്ടെടുത്തു. പാർട്ടിയിൽ ഉൾപ്പെട്ട ഒരാൾ രക്ഷപ്പെട്ടു, ബാക്കിയുള്ള അഞ്ച് പേരെ സംഭവസ്ഥലത്ത് നിന്ന് അറസ്റ്റ് ചെയ്ത് വെള്ളിയാഴ്ച ജുഡീഷ്യൽ കസ്റ്റഡിയിൽ വിട്ടു.