ബിഹാർ: പട്നയിലെ കടംകുവാൻ പോലീസ് സ്റ്റേഷൻ പ്രദേശത്ത് നടത്തിയ പരിശോധനയിൽ ജാർഖണ്ഡ് നമ്പറുള്ള ഒരു സ്കോർപിയോ പോലീസ് പിടിച്ചെടുത്തു, അതിൽ നിന്ന് 24.29 ലക്ഷം രൂപയും ഒരു കുപ്പി മദ്യവും കണ്ടെടുത്തു. സംഭവസമയം ഈ കാറിൽ മൂന്ന് പേരാണ് യാത്ര ചെയ്തിരുന്നത്. അവരിൽ ഒരാളെ പോലീസ് പിടികൂടി, രണ്ട് പേർ ഓടി രക്ഷപ്പെട്ടു. പട്നയിലെ രാജ ബസാർ നിവാസിയായ റിയൽ എസ്റ്റേറ്റ് ബിസിനസുകാരനായ അനൂപ് കുമാറാണ് അറസ്റ്റിലായത്. രക്ഷപ്പെട്ടവർക്കായി പോലീസ് തിരച്ചിൽ തുടരുകയാണ്. വാഹനം നിർത്താൻ ശ്രമിച്ചെങ്കിലും ഡ്രൈവർ വാഹനവുമായി രക്ഷപ്പെടാൻ ശ്രമിച്ചുവെന്ന് എസ്എച്ച്ഒ അജയ് കുമാർ പറഞ്ഞു.
തുടർന്ന് പോലീസ് സംഘം ഇവരെ പിന്തുടര്‍ന്ന ശേഷം, ബുദ്ധ പ്രതിമയ്ക്ക് സമീപം സ്കോർപിയോ തടഞ്ഞുനിര്‍ത്തി പോലീസ് അനൂപിനെ കസ്റ്റഡിയിലെടുത്തു. അന്വേഷണത്തിനിടെ വാഹനത്തിൽ നിന്ന് വൻതോതിൽ പണവും മദ്യവും കണ്ടെത്തുകയും ചെയ്തു. ഇത്രയും വലിയ തുക എവിടെ നിന്നാണ് വന്നതെന്നും അത് എന്തിനാണ് ഉപയോഗിച്ചതെന്നും കണ്ടെത്താനുള്ള ശ്രമത്തിലാണ് പോലീസ് ഇപ്പോൾ. ഈ വിഷയത്തെക്കുറിച്ചും മുഴുവൻ കാര്യങ്ങളെക്കുറിച്ചും ആദായനികുതി വകുപ്പിനെയും അറിയിച്ചിട്ടുണ്ട്.