ബിഹാറിലെ ഗയയിലുള്ള രാംപുർ പോലീസ് സ്റ്റേഷനിൽ ജോലി ചെയ്തിരുന്ന അസിസ്റ്റൻ്റ് സബ് ഇൻസ്പെക്ടർ (എ.എസ്.ഐ.) അമരേന്ദ്ര കുമാർ യാദവ് തൻ്റെ സർക്കാർ ക്വാർട്ടേഴ്സിനുള്ളിൽ സൾഫാസ് ഗുളിക കഴിച്ച് ആത്മഹത്യ ചെയ്തു (Death). ഉടൻ തന്നെ പോലീസ് ഉദ്യോഗസ്ഥർ ഗുരുതരാവസ്ഥയിലായ ഇദ്ദേഹത്തെ മഗധ് മെഡിക്കൽ ആശുപത്രിയിൽ പ്രവേശിപ്പിച്ചു. എന്നാൽ മണിക്കൂറുകൾക്കകം ചികിത്സയ്ക്കിടെ മരണം സംഭവിക്കുകയായിരുന്നു. പൂർണിയയിലെ ബർഹര കോഠി പോലീസ് സ്റ്റേഷൻ പരിധിയിലുള്ള ഓലഹ് ഗ്രാമവാസിയാണ് മരിച്ച അമരേന്ദ്ര കുമാർ യാദവ്.
സംഭവത്തെ തുടർന്ന് രാംപുർ പോലീസ് സ്റ്റേഷനിലെ സഹപ്രവർത്തകരെല്ലാം ഞെട്ടലിലാണ്. സൗഹൃദപരമായ പെരുമാറ്റമുള്ള, എല്ലാ കാര്യങ്ങളിലും മുന്നിട്ട് നിന്നിരുന്ന ഉദ്യോഗസ്ഥനായിരുന്നു ഇദ്ദേഹമെന്ന് സഹപ്രവർത്തകർ പറയുന്നു. അസുഖബാധിതനായിരുന്നുവെങ്കിലും എന്താണ് അസുഖമെന്ന് ആർക്കും അറിയില്ലായിരുന്നു. ഡ്യൂട്ടിക്ക് ശേഷം മുറിയിൽ കയറിയ ഇദ്ദേഹം വിഷം കഴിച്ച ശേഷം ഒരു സഹപ്രവർത്തകനെ ഫോണിൽ വിളിച്ച് വിവരം അറിയിക്കുകയായിരുന്നു. തുടർന്ന് റൂമിലെത്തിയ പോലീസ് ഉടൻ ആശുപത്രിയിലെത്തിച്ചു. മൃതദേഹം മഗധ് മെഡിക്കലിലെ മോർച്ചറിയിൽ സൂക്ഷിച്ചിട്ടുണ്ട്. വിഷം കഴിക്കാനുള്ള കാരണം വ്യക്തമല്ലാത്തതിനാൽ പോലീസ് അന്വേഷണം ആരംഭിക്കുകയും കുടുംബാംഗങ്ങളെ വിവരം അറിയിക്കുകയും ചെയ്തു.
An Assistant Sub-Inspector (ASI), Amarendra Kumar Yadav, posted at Rampur Police Station in Gaya, Bihar, committed suicide by consuming Sulfas tablets inside his government quarters. He was rushed to Magadh Medical Hospital but died during treatment, leaving his colleagues in shock.