ഗുരുഗ്രാമം: ഹരിയാനയിലെ ഗുരുഗ്രാമിൽ (Gurugram) പരീക്ഷ കഴിഞ്ഞ് മടങ്ങുകയായിരുന്ന പന്ത്രണ്ടാം ക്ലാസ് വിദ്യാർത്ഥിയുടെ സ്കൂൾ വാൻ തടഞ്ഞു നിർത്തി ഭീഷണിപ്പെടുത്തിയ സംഭവത്തിൽ നാല് കോളേജ് വിദ്യാർത്ഥികളെ പോലീസ് അറസ്റ്റ് ചെയ്തു. പ്രതികൾ കളിത്തോക്ക് ( ഉപയോഗിച്ചാണ് ഭീഷണിപ്പെടുത്തിയത്.
തിങ്കളാഴ്ച ഉച്ചയ്ക്ക് ഗുരുഗ്രാമിലെ സിഗ്നേച്ചർ ടവറിന് സമീപമാണ് സംഭവം നടക്കുന്നത്. രണ്ട് ഫോർച്യൂണർ കാറുകളിലായെത്തിയ സംഘം സ്കൂൾ വാൻ തടഞ്ഞുനിർത്തുകയായിരുന്നു. തുടർന്ന് വാൻ ഡ്രൈവറെയും വിദ്യാർത്ഥിയെയും കളിത്തോക്കും വടിയും കാട്ടി ഭീഷണിപ്പെടുത്തുകയും വിദ്യാർത്ഥിയെ കൊല്ലുമെന്ന് മുന്നറിയിപ്പ് നൽകുകയും ചെയ്തു. പങ്കജ് (23), നീരജ് (20), പ്രിൻസ് (20), ഹിമാൻഷു (22) എന്നിവരാണ് പിടിയിലായത്. ഇവർ വിവിധ കോളേജുകളിൽ പഠിക്കുന്ന വിദ്യാർത്ഥികളാണ്.
ഏകദേശം ആറ് മാസം മുമ്പ് പ്രതികളിലൊരാളായ നീരജിന്റെ സഹോദരനും ഈ സ്കൂൾ വിദ്യാർത്ഥിയും തമ്മിൽ വാക്കുതർക്കം ഉണ്ടായിരുന്നു. ഇതിന്റെ പ്രതികാരമായാണ് ആക്രമണം ആസൂത്രണം ചെയ്തതെന്ന് പോലീസ് പറഞ്ഞു. വിദ്യാർത്ഥിയുടെ പിതാവ് നൽകിയ പരാതിയിൽ സിവിൽ ലൈൻസ് പോലീസ് കേസെടുത്തു. പ്രതികൾ ഉപയോഗിച്ച രണ്ട് വാഹനങ്ങളും കളിത്തോക്കും വടിയും പോലീസ് പിടിച്ചെടുത്തു.
Gurugram police arrested four college students for intercepting a school van and threatening a Class 12 student with a toy gun. The incident occurred on Monday near Signature Tower when the student was returning home after an exam. The accused, traveling in two Fortuner SUVs, blocked the van and threatened the driver and student due to a six-month-old grudge involving one of the suspect's brothers.