പട്‌ന: ആർജെഡി നേതാവ് രോഹിണി ആചാര്യ തന്റെ ഇളയ സഹോദരൻ തേജസ്വി യാദവ് അടുത്ത മുഖ്യമന്ത്രിയാകണമെന്ന് പറഞ്ഞ് രംഗത്തെത്തി. സംസ്ഥാനത്തെ വരാനിരിക്കുന്ന നിയമസഭാ തെരഞ്ഞെടുപ്പുകളിൽ ഇന്ത്യാ ബ്ലോക്കിന്റെ മുഖ്യമന്ത്രി സ്ഥാനാർത്ഥിയായി യുവ നേതാവിനെ പ്രഖ്യാപിക്കുന്നതിൽ സഖ്യകക്ഷിയായ കോൺഗ്രസ് കാണിക്കുന്ന വിമുഖതയെക്കുറിച്ചുള്ള മാധ്യമപ്രവർത്തകരുടെ ചോദ്യത്തിന് മറുപടി നൽകുകയായിരുന്നു അവർ.(People of Bihar want Tejashwi as CM, says Rohini Acharya)
"ബീഹാറിലെ ജനങ്ങളുടെ ആഗ്രഹമാണ് തേജസ്വി മുഖ്യമന്ത്രിയാകുക എന്നത്. സമയമാകുമ്പോൾ, ഔദ്യോഗിക പ്രഖ്യാപനവും നടത്തും. കോൺഗ്രസിന്റെ ഭാഗത്തുനിന്ന് ഒരു വിമുഖതയും ഞാൻ കാണുന്നില്ല," അവർ പറഞ്ഞു.