പട്ന: അനധികൃത ആയുധക്കടത്ത് പിടികൂടി പട്ന പോലീസ്(smuggling). ഗാർഡാനിബാഗ്, ഫുൽവാരിഷരിഫ് എന്നിവിടങ്ങളിൽ നിന്നാണ് ആയുധങ്ങൾ പിടിച്ചെടുത്തത്. സംഭവത്തിൽ രണ്ടു പേരെ പോലീസ് അറസ്റ്റ് ചെയ്തു.
ഗാർഡാനിബാഗിൽ നിന്നും മനീഷ് ഭൂഷൺ, ഫുൽവാരിഷരിഫിൽ നിന്ന് രവി കുമാറിനെയുമാണ് പോലീസ് അറസ്റ്റ് ചെയ്തത്. ഇവരുടെ പക്കൽ നിന്നും ഒരു തോക്ക്, ഒരു പിസ്റ്റൾ, മാഗസിനുകൾ, ലൈവ് വെടിയുണ്ടകൾ എന്നിവ പോലീസ് കണ്ടെടുത്തു.
രഹസ്യ വിവരത്തെ തുടർന്ന് നടത്തിയ പരിശോധനയിലാണ് ആയുധങ്ങൾ കണ്ടെത്തിയത്. ഇവർക്ക് എവിടെ നിന്നാണ് ആയുധങ്ങൾ ലഭിച്ചതെന്നറിയാൻ ഇരുവരെയും വിശദമായി ചോദ്യം ചെയ്യണമെന്ന് അന്വേഷണ ഉദ്യോഗസ്ഥർ വ്യക്തമാക്കി.