പട്ന: പട്ന റെയിൽവേ സ്റ്റേഷൻ പരിസരത്ത് നടത്തിയ വിപുലമായ ശിശുസംരക്ഷണ വേട്ടയിൽ 10 ആൺകുട്ടികളെയും ഒരു പെൺകുട്ടിയെയും അധികൃതർ മോചിപ്പിച്ചു (Patna Child Rescue). ലഹരി ഉപയോഗത്തിനും ഭിക്ഷാടനത്തിനും ഇരയാക്കപ്പെട്ട കുട്ടികളെയാണ് പ്രത്യേക സംഘം റെസ്ക്യൂ ചെയ്തത്. കുട്ടികൾക്ക് പുറമെ രണ്ട് കുഞ്ഞുങ്ങളുമായി തെരുവിൽ കഴിഞ്ഞിരുന്ന ഒരു യുവതിയെയും സുരക്ഷിത കേന്ദ്രത്തിലേക്ക് മാറ്റി.
ചൈൽഡ് ഹെൽപ്പ് ലൈൻ, മനുഷ്യക്കടത്ത് വിരുദ്ധ വിഭാഗം, റെയിൽവേ പോലീസ്, ആർപിഎഫ് എന്നിവർ സംയുക്തമായാണ് പരിശോധന നടത്തിയത്. ജില്ലാ കളക്ടറുടെ പ്രത്യേക നിർദ്ദേശപ്രകാരമായിരുന്നു നടപടി. തെരുവുകളിൽ കുട്ടികൾ ലഹരിക്ക് അടിമപ്പെടുന്നതും ഭിക്ഷാടനം നടത്തുന്നതും തടയാൻ വരും ദിവസങ്ങളിലും കർശന പരിശോധന തുടരുമെന്ന് പട്ന ജില്ലാ ഭരണകൂടം അറിയിച്ചു.
രക്ഷപ്പെടുത്തിയ കുട്ടികളെ ചൈൽഡ് വെൽഫെയർ കമ്മിറ്റിക്ക് മുൻപാകെ ഹാജരാക്കി ഷെൽട്ടർ ഹോമുകളിലേക്ക് മാറ്റി. യുവതിയെയും കുഞ്ഞുങ്ങളെയും പുനരധിവാസ കേന്ദ്രമായ ശാന്തി കുടിറിലാണ് താമസിപ്പിച്ചിരിക്കുന്നത്. ഇവർക്ക് ആവശ്യമായ കൗൺസിലിംഗും ചികിത്സയും ലഭ്യമാക്കുമെന്ന് അധികൃതർ വ്യക്തമാക്കി.
In a major joint operation, authorities in Patna rescued 11 children from the railway station area who were involved in drug abuse and begging. A woman with two toddlers was also safely moved to a rehabilitation center. The drive, conducted by Child Helpline and Anti-Human Trafficking units, aims to clear city streets of child exploitation and provide vulnerable minors with a safer future.