ജമ്മു കശ്മീരിലെ നിയന്ത്രണ രേഖയിൽ വെടിയുതിർത്ത് പാകിസ്ഥാൻ സൈന്യം; വെടിവയ്പ്പ് നടന്നത് ഇന്ത്യ-പാക് ഏഷ്യാ കപ്പിന് ദിവസങ്ങൾ മുമ്പെന്ന് റിപ്പോർട്ട് | Pakistan Army fire

ന്യൂഡൽഹി: ജമ്മു കശ്മീരിലെ കുപ്വാരയിലെ നൗഗാം സെക്ടറിൽ നിയന്ത്രണ രേഖയിൽ പാകിസ്ഥാൻ സൈന്യം വെടിയുതിർത്തതായി റിപ്പോർട്ട്(Pakistan Army fire). 2025 ലെ ഏഷ്യാ കപ്പിനായി ഇന്ത്യയും പാകിസ്ഥാനും തമ്മിൽ ദുബായിൽ നടക്കുന്ന സൂപ്പർ ഫോർ മത്സരത്തിന് ദിവസങ്ങൾക്ക് മുമ്പാണ് സംഭവം നടന്നത്.

ചെറിയ ആയുധങ്ങൾ ഉപയോഗിച്ച് പാകിസ്ഥാൻ 4 റൗണ്ട് വെടിയുതിർത്തതായും ഇന്ത്യൻ സൈന്യം 20 റൗണ്ട് വെടിവെപ്പ് നടത്തിയതായും റിപ്പോർട്ടിൽ പറയുന്നു. എന്നാൽ, സംഭവം വെടിനിർത്തൽ ലംഘനമല്ലെന്നാണ് വിവരം.

നിലവിൽ സ്ഥിതിഗതികൾ നിയന്ത്രണത്തിലാണെന്നും സൂക്ഷ്മമായി നിരീക്ഷിച്ചുവരികയാണെന്നും സൈനിക വൃത്തങ്ങൾ അറിയിച്ചു. അതേസമയം ഇന്ത്യൻ സൈന്യത്തിന്റെ ഔദ്യോഗിക പ്രസ്താവന ഇതുവരെ പുറത്തുവന്നിട്ടില്ല.