ന്യൂഡൽഹി: പ്രധാനമന്ത്രി നരേന്ദ്ര മോദി ഛാത്ത് പൂജയ്ക്ക് ആശംസകൾ നേർന്നു. ഓപ്പറേഷൻ സിന്ദൂരിന്റെ വിജയവും രാജ്യത്ത് മാവോയിസ്റ്റ് ഭീഷണി ഇല്ലാതാക്കാൻ സ്വീകരിച്ച നടപടികളും കാരണം ഈ വർഷം ഉത്സവങ്ങൾ കൂടുതൽ ഊർജ്ജസ്വലമായിട്ടുണ്ടെന്ന് പ്രധാനമന്ത്രി പറഞ്ഞു.(Operation Sindoor, eradication of naxalism added colour to festivals, says PM Modi)
തന്റെ പ്രതിമാസ റേഡിയോ പ്രഭാഷണമായ മൻ കി ബാത്തിന്റെ 127-ാമത് പതിപ്പിൽ സംസാരിക്കുകയായിരുന്നു അദ്ദേഹം. ഛാത്ത് പൂജ ഭക്തിയുടെയും വാത്സല്യത്തിന്റെയും പാരമ്പര്യത്തിന്റെയും സംഗമമാണെന്നും ഇന്ത്യയുടെ സാമൂഹിക ഐക്യത്തെ ഇത് പ്രതിഫലിപ്പിക്കുന്നുവെന്നും പ്രധാനമന്ത്രി പറഞ്ഞു.
"ഛാത്തിന്റെ മഹാപർവ്വം സംസ്കാരം, പ്രകൃതി, സമൂഹം എന്നിവ തമ്മിലുള്ള ആഴത്തിലുള്ള ഐക്യത്തിന്റെ പ്രതിഫലനമാണ്. സമൂഹത്തിലെ എല്ലാ വിഭാഗങ്ങളും ഛാത്ത് ഘട്ടുകളിൽ ഒത്തുചേരുന്നു," മോദി പറഞ്ഞു.
"ഇന്ത്യയുടെ സാമൂഹിക ഐക്യത്തിന്റെ ഏറ്റവും മനോഹരമായ ഉദാഹരണമാണ് ഈ കാഴ്ച. നിങ്ങൾ എവിടെയായിരുന്നാലും, രാജ്യത്തിനകത്തോ ലോകത്തിന്റെ ഏത് കോണിലോ, അവസരം ലഭിക്കുകയാണെങ്കിൽ, ഛാത്ത് ഉത്സവത്തിൽ പങ്കെടുക്കുക," അദ്ദേഹം കൂട്ടിച്ചേർത്തു.
ഉത്സവകാലത്തോടനുബന്ധിച്ച് പൗരന്മാർക്ക് എഴുതിയ കത്ത് അനുസ്മരിച്ചുകൊണ്ട്, രാജ്യത്തിന്റെ നേട്ടങ്ങൾ ഈ ഉത്സവകാലത്തിന് കൂടുതൽ ഊർജ്ജസ്വലത നൽകിയിട്ടുണ്ടെന്നും പ്രധാനമന്ത്രി നരേന്ദ്ര മോദി പറഞ്ഞു.