ന്യൂഡൽഹി: ബുധനാഴ്ച അറസ്റ്റിലായ 4 അൽ-ഖ്വയ്ദ ഭീകരർ ഓപ്പറേഷൻ സിന്ദൂരിനിടെ പാകിസ്ഥാൻ സൈന്യവുമായും ഐഎസ്ഐയുമായും ബന്ധപ്പെട്ടിരുന്നതായി വിവരം(Operation Sindoor). ഇവർ നിർണായക വിവരങ്ങൾ പാകിസ്താനിലേക്ക് കൈമാറിയതായി വൃത്തങ്ങൾ അറിയിച്ചു. ഗുജറാത്ത് ഭീകരവിരുദ്ധ സ്ക്വാഡ് ആണ് കഴിഞ്ഞ ദിവസം അൽ-ഖ്വയ്ദ ഭീകരരെ അറസ്റ്റ് ചെയ്തത്.
ഇവർ സോഷ്യൽ മീഡിയ വഴി യുവാക്കളെ ലക്ഷ്യം വച്ചു. തീവ്രവാദ സ്വഭാവമുള്ള സന്ദേശങ്ങൾ സമൂഹത്തിന് കൈമാറി. മാത്രമല്ല; ഇസ്ലാമാബാദിന്റെ ഇന്ത്യയ്‌ക്കെതിരെയുള്ള സൈനിക നടപടി ഓപ്പറേഷൻ ബനിയന് അനുകൂലമായ അന്തരീക്ഷം സൃഷ്ടിക്കാനും ഇവർ ശ്രമിച്ചിരുന്നതായി കണ്ടെത്തി.
ഓപ്പറേഷൻ സിന്ദൂരുമായി ബന്ധപ്പെട്ട വിവരങ്ങൾ 4 പേരും രണ്ട് പാകിസ്ഥാൻ സോഷ്യൽ മീഡിയ അക്കൗണ്ടുകളുമായി തുടർച്ചയായി പങ്കിട്ടിരുന്നതിന്റെ തെളിവുകളും അധികൃതർ ശേഖരിച്ചു.