മുംബൈ : മഹാരാഷ്ട്രയിലെ പാൽഘറിൽ ഫാർമസ്യൂട്ടിക്കൽ കമ്പനിയിൽ നൈട്രജൻ ഗ്യാസ് ചോർന്നു. അപകടത്തിൽ നാല് തൊഴിലാളികൾ മരിച്ചു. രണ്ട് പേർക്ക് ഗുരുതരമായി പരിക്കേറ്റു.
മുംബൈയിൽ 130 കിലോമീറ്റർ അകലെയുള്ള ബോയ്സാർ വ്യാവസായിക മേഖലയിലെ മെഡ്ലി ഫാർമയിലാണ് സംഭവം നടന്നത്. ഉച്ചയോട് കൂടി കമ്പനിയുടെ ഒരു യൂണിറ്റിലാണ് നൈട്രജൻ വാതകം ചോർന്നത്.
അപകടം നടന്നയുടൻ തന്നെ ആറ് തൊഴിലാളികളെ ആശുപത്രിയിൽ എത്തിച്ചെങ്കിലും നാല് പേർ മരണപ്പെട്ടു.മറ്റ് രണ്ട് പേർ പ്രാദേശിക ആശുപത്രിയിലെ തീവ്രപരിചരണ വിഭാഗത്തിൽ ചികിത്സയിലാണാണ്.