പട്ന: ബിഹാർ മുഖ്യമന്ത്രിയായി നിതീഷ് കുമാർ ഇന്ന് സത്യപ്രതിജ്ഞ ചെയ്യും, രാവിലെ പതിനൊന്നരയ്ക്ക് പാറ്റ്നയിലെ ചരിത്രപ്രസിദ്ധമായ ഗാന്ധി മൈതാനത്ത് വെച്ചാണ് ചടങ്ങ് നടക്കുക. പ്രധാനമന്ത്രി, കേന്ദ്രമന്ത്രിമാർ, എൻ.ഡി.എ. ഭരണത്തിലുള്ള സംസ്ഥാനങ്ങളിലെ മുഖ്യമന്ത്രിമാർ തുടങ്ങിയ പ്രമുഖർ സത്യപ്രതിജ്ഞാ ചടങ്ങിൽ പങ്കെടുക്കും.(Nitish Kumar to take oath as Bihar Chief Minister today)
നിതീഷ് കുമാറിനൊപ്പം ഇരുപതിലധികം മന്ത്രിമാർ ഇന്ന് സത്യപ്രതിജ്ഞ ചെയ്യുമെന്നാണ് വിവരം. എൻ.ഡി.എ. മുന്നണിക്കുള്ളിൽ മന്ത്രിസ്ഥാനങ്ങൾ പങ്കുവെക്കുന്നതുമായി ബന്ധപ്പെട്ട് നിലവിലെ ധാരണ ഇങ്ങനെയാണ്:
ബി.ജെ.പി. - 16 മന്ത്രിസ്ഥാനങ്ങൾ
ജെ.ഡി.യു. - 14 മന്ത്രിസ്ഥാനങ്ങൾ
എൽ.ജെ.പി. - 3 മന്ത്രിസ്ഥാനങ്ങൾ
ഹിന്ദുസ്ഥാനി അവാം മോർച്ച (HAM), ആർ.എൽ.എം. - ഒന്നുവീതം
പുതിയ മന്ത്രിസഭയുടെ രൂപീകരണത്തോടെ ബിഹാറിലെ ഭരണത്തുടർച്ചയ്ക്ക് ഔദ്യോഗികമായി തുടക്കമാകും.