പട്ന: ബിഹാർ മുഖ്യമന്ത്രിയായി നിതീഷ് കുമാർ സത്യപ്രതിജ്ഞ ചെയ്ത് അധികാരമേറ്റു. പട്നയിലെ ഗാന്ധി മൈതാനത്ത് നടന്ന ചടങ്ങിൽ ഗവർണ്ണർ ആരിഫ് മുഹമ്മദ്ഖാൻ സത്യവാചകം ചൊല്ലിക്കൊടുത്തു.(Nitish Kumar sworn in as Bihar Chief Minister )
പ്രധാനമന്ത്രി നരേന്ദ്ര മോദി, കേന്ദ്രമന്ത്രിമാർ, എൻ.ഡി.എ. ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാർ തുടങ്ങിയ പ്രമുഖർ ചടങ്ങിൽ പങ്കെടുത്തു. നിതീഷ് കുമാർ സത്യപ്രതിജ്ഞ ചെയ്ത് അധികാരമേറ്റു. ഇത് തുടർച്ചയായ അഞ്ചാം തവണയാണ് അദ്ദേഹം ബിഹാറിൻ്റെ മുഖ്യമന്ത്രി പദവിയിലേക്ക് എത്തുന്നത്. നിതീഷ് കുമാറിനൊപ്പം സമ്രാട്ട് ചൗധരിയും വിജയ് കുമാർ സിൻഹയും ഉപമുഖ്യമന്ത്രിമാരായും ചുമതലയേറ്റു. കഴിഞ്ഞ സർക്കാരിന്റെ കാലത്തും സമ്രാട്ട് ചൗധരി ഉപമുഖ്യമന്ത്രിയായിരുന്നു. ധന വകുപ്പ് അടക്കം കൈകാര്യം ചെയ്തതും അദ്ദേഹമായിരുന്നു. ബി.ജെ.പി. കേന്ദ്ര നേതൃത്വവുമായി അടുത്ത ബന്ധം സൂക്ഷിക്കുന്ന നേതാവാണ് സമ്രാട്ട് ചൗധരി.
നിതീഷ് കുമാറിന് മുഖ്യമന്ത്രി കസേരയിൽ ഇത് പത്താമൂഴമാണ്.പട്നയിലെ തന്റെ ഔദ്യോഗിക വസതിയിൽ നടന്ന പുതിയ എംഎൽഎമാരുമായുള്ള യോഗത്തിൽ ജെഡി-(യു) നിയമസഭാ പാർട്ടി നേതാവായി ആദ്യം തിരഞ്ഞെടുത്തു. ബിജെപി സംസ്ഥാന ആസ്ഥാനത്ത് നടന്ന യോഗത്തിൽ സാമ്രാട്ട് ചൗധരിയെയും വിജയ് കുമാർ സിൻഹയെയും യഥാക്രമം ബിജെപി നിയമസഭാ പാർട്ടി നേതാവും ഉപനേതാവുമായി തിരഞ്ഞെടുത്തു.
ബീഹാറിലെ നിയമസഭാ കക്ഷി നേതാവിന്റെ തിരഞ്ഞെടുപ്പിനുള്ള കേന്ദ്ര നിരീക്ഷകനായി നിയമിതനായ ഉത്തർപ്രദേശ് ഉപമുഖ്യമന്ത്രി കേശവ് പ്രസാദ് മൗര്യ രണ്ട് നേതാക്കളുടെയും പേരുകൾ നിർദ്ദേശിച്ചു, ശേഷിക്കുന്ന എം‌എൽ‌എമാർ ഈ നിർദ്ദേശത്തെ പിന്തുണച്ചു.