ന്യൂഡൽഹി: ഇന്ത്യ-യുഎസ് സംയുക്ത സൈനികാഭ്യാസം യുദ്ധ് അഭ്യാസ് 2025 ൽ പങ്കെടുക്കാൻ പുറപ്പെട്ട ഇന്ത്യൻ സൈനിക സംഘം അലാസ്കയിൽ എത്തിയതായി വിദേശകാര്യ മന്ത്രാലയം സ്ഥിരീകരിച്ചു(Yudh Abhyas 2025). യുദ്ധ് അഭ്യാസ് 2025 ന്റെ 21-ാമത് പതിപ്പിൽ പങ്കെടുക്കാനാണ് സംഘം അലാസ്കയിലെ ഫോർട്ട് വെയ്ൻറൈറ്റിൽ എത്തിയത്.
സെപ്റ്റംബർ 1 മുതൽ സെപ്റ്റംബർ 14 വരെയാണ് ഇന്ത്യ-യുഎസ് സംയുക്ത സൈനികാഭ്യാസം നടക്കുക. യുഎസ് സൈനികരോടൊപ്പം ഹെലിബോൺ ഓപ്പറേഷനുകൾ, പർവത യുദ്ധം, യുഎഎസ്, കൗണ്ടർ-യുഎഎസ്, സംയുക്ത തന്ത്രപരമായ അഭ്യാസങ്ങൾ എന്നിവയിൽ ഇന്ത്യൻ സംഘം പരിശീലനം നേടുമെന്ന് വിദേശകാര്യ മന്ത്രാലയം അറിയിച്ചു.