നയാഗഡ്: ഒഡീഷയിലെ നയാഗഡ് ജില്ലയിൽ പത്ത് വയസ്സുകാരിയായ പെൺകുട്ടി ക്രൂരമായ ലൈംഗിക പീഡനത്തിന് ഇരയായി (Nayagarh Child Rape Case). വ്യാഴാഴ്ച രൺപൂർ മേഖലയിലാണ് നാടിനെ നടുക്കിയ സംഭവം നടന്നത്. 22 വയസ്സുള്ള പ്രശാന്ത് നായക് എന്ന യുവാവും 14 വയസ്സുള്ള ആൺകുട്ടിയുമാണ് പ്രതികൾ. പെൺകുട്ടി സുഹൃത്തുക്കളോടൊപ്പം കളിച്ചു കൊണ്ടിരിക്കെ, പ്രശാന്ത് നായക് കുട്ടിയെ ആളൊഴിഞ്ഞ സ്ഥലത്തേക്ക് പ്രലോഭിപ്പിച്ച് കൊണ്ടുപോയി പീഡിപ്പിക്കുകയായിരുന്നു. ഇതിന് പിന്നാലെ 14 വയസ്സുകാരനും കുട്ടിയെ ഉപദ്രവിച്ചു. ഈ സമയത്ത് സ്ഥലത്തെത്തിയ പെൺകുട്ടിയുടെ അമ്മയാണ് പ്രതികളെ കൈയോടെ പിടികൂടിയത്.
സംഭവത്തിൽ രണ്ട് പ്രതികളെയും പോലീസ് അറസ്റ്റ് ചെയ്തിട്ടുണ്ട്. കുട്ടിയെ വൈദ്യപരിശോധനയ്ക്ക് വിധേയയാക്കിയെന്നും ഫോറൻസിക് സംഘം സ്ഥലത്തെത്തി തെളിവുകൾ ശേഖരിച്ചതായും രൺപൂർ ഇൻസ്പെക്ടർ ആശിഷ്ദേവ് സാഹൂ അറിയിച്ചു. ഇതേ ജില്ലയിലെ ശരൺകുൾ മേഖലയിലും എട്ട് വയസ്സുകാരി പ്രായപൂർത്തിയാകാത്ത ആൺകുട്ടിയാൽ പീഡിപ്പിക്കപ്പെട്ടതായി റിപ്പോർട്ടുണ്ട്. അയൽവീട്ടിൽ പോയി മടങ്ങി വരികയായിരുന്ന കുട്ടിയെ ആളൊഴിഞ്ഞ സ്ഥലത്ത് എത്തിച്ചാണ് ഉപദ്രവിച്ചത്. ഈ കേസിലും പ്രതിയെ പോലീസ് പിടികൂടിയിട്ടുണ്ട്.
ഒഡീഷയിൽ സ്ത്രീകൾക്കെതിരെയുള്ള അതിക്രമങ്ങൾ വർദ്ധിക്കുന്നതായി നേരത്തെ മുഖ്യമന്ത്രി മോഹൻ ചരൺ മാജി നിയമസഭയിൽ കണക്കുകൾ നിരത്തി വ്യക്തമാക്കിയിരുന്നു. 2025 സെപ്റ്റംബർ വരെയുള്ള 15 മാസത്തിനിടെ 3,205 ബലാത്സംഗക്കേസുകൾ ഉൾപ്പെടെ 40,947 അതിക്രമങ്ങളാണ് സംസ്ഥാനത്ത് റിപ്പോർട്ട് ചെയ്തിരിക്കുന്നത്. ഇതിൽ പീഡനശ്രമം, തട്ടിക്കൊണ്ടുപോകൽ, ലൈംഗികാതിക്രമം തുടങ്ങിയ കുറ്റകൃത്യങ്ങളും ഉൾപ്പെടുന്നു. തുടർച്ചയായുണ്ടാകുന്ന ഇത്തരം സംഭവങ്ങൾ സംസ്ഥാനത്ത് വലിയ ആശങ്കയ്ക്ക് കാരണമായിട്ടുണ്ട്.
A 10-year-old girl was raped by a 22-year-old man and a 14-year-old minor in Odisha's Nayagarh district. The primary accused, Prashant Nayak, lured the girl from a playground to an isolated spot, where the assault occurred sequentially by both individuals. The victim's mother discovered the act, leading to the immediate arrest of both suspects. This incident coincides with another reported rape of an 8-year-old in the same district, highlighting a concerning rise in crimes against women and children in the state, as reflected in recent government data.