ന്യൂഡൽഹി: ന്യൂഡൽഹിയിലെ ചെങ്കോട്ടയ്ക്ക് സമീപമുള്ള സ്ഫോടനത്തിൽ അൽ-ഫലാഹ് സർവകലാശാലയിലെ ഒന്നിലധികം ഡോക്ടർമാർക്ക് പങ്കുണ്ടെന്ന് വെളിപ്പെടുത്തിയതിനെത്തുടർന്ന്, ദേശീയ മെഡിക്കൽ കമ്മീഷൻ (NMC) എല്ലാ മെഡിക്കൽ സ്ഥാപനങ്ങൾക്കും പ്രൊഫഷണലുകൾക്കും ജോലിസ്ഥലങ്ങളിലെ ദേശവിരുദ്ധ പ്രവർത്തനങ്ങളിൽ നിന്ന് വിട്ടുനിൽക്കാൻ നിർദ്ദേശം നൽകുമെന്ന് ഔദ്യോഗിക വൃത്തങ്ങൾ. (Medical Commission)
സാമൂഹിക ഉത്തരവാദിത്തത്തിനും ദേശീയ ആരോഗ്യ മുൻഗണനകൾക്കും ഊന്നൽ നൽകിക്കൊണ്ടും ദേശവിരുദ്ധ പ്രവർത്തനങ്ങളിൽ നിന്ന് വിട്ടുനിൽക്കാൻ ഉപദേശിച്ചുകൊണ്ടും മെഡിക്കൽ സ്ഥാപനങ്ങൾക്കും പ്രൊഫഷണലുകൾക്കും മാർഗ്ഗനിർദ്ദേശങ്ങൾ പുറപ്പെടുവിക്കാൻ എൻഎംസി തീരുമാനിച്ചു. അൽ-ഫലാഹ് സർവകലാശാലയുടെ രജിസ്ട്രേഷനുമായി ബന്ധപ്പെട്ട തട്ടിപ്പ് ആരോപണങ്ങൾ ഉൾപ്പെടെ മൊത്തത്തിലുള്ള സ്ഥിതി സംബന്ധിച്ച്, ഹരിയാന സംസ്ഥാന അധികാരികൾ തീരുമാനമെടുക്കുമെന്ന് ഔദ്യോഗിക വൃത്തങ്ങൾ അറിയിച്ചു.
ഇതേ സമയം അൽ-ഫലാഹ് സർവകലാശാലയിലെ അന്വേഷണം ഇഡി ശക്തമാക്കിയിട്ടുണ്ട്. അൽ-ഫലാഹ് ട്രസ്റ്റിന്റെയും അനുബന്ധ സ്ഥാപനങ്ങളുടെയും സാമ്പത്തിക പ്രവർത്തനങ്ങളിലേക്കും സ്ഥാപനത്തിന്റെ ഭരണപരവും സാമ്പത്തികവുമായ സംവിധാനങ്ങൾ കൈകാര്യം ചെയ്യുന്ന ഉദ്യോഗസ്ഥരിലേക്കും അന്വേഷണം വ്യാപിപ്പിച്ചിട്ടുണ്ട്.