വാഷിംഗ്ടൺ: അമേരിക്കയുടെ 47ാം പ്രസിഡന്റായി ഡൊണാൾഡ് ട്രംപ് ചുമതലയേൽക്കുന്ന ചടങ്ങ് ഇന്ന് നടക്കാനിരിക്കെ റിലയൻസ് ഇൻഡസ്‌ട്രീസ് ചെയർമാൻ മുകേഷ് അംബാനിയും ഭാര്യ നിത അംബാനിയും ഇന്നലെ തന്നെ അമേരിക്കയിൽ എത്തി(Mukesh-Ambani).
മാത്രമല്ല; ട്രംപിനൊപ്പം ഇന്നലെ കാൻഡിൽ ലൈറ്റ് ഡിന്നറിൽ ഇരുവരും പങ്കെടുത്തതിന്റെ ചിത്രങ്ങളും പുറത്തു വന്നു. നാളെ നടക്കുന്ന ട്രംപിന്റെ സ്ഥാനാരോഹണ ചടങ്ങിനു ശേഷം റിപ്പബ്ലിക്കൻ മെഗാ-ഡോണർ മിറിയം അഡെൽസണും മെറ്റാ ചീഫ് എക്സിക്യൂട്ടീവ് മാർക്ക് സക്കർബർഗും ഒരുക്കുന്ന ബ്ലാക്ക്-ടൈ സ്വീകരണത്തിലും നിതയും മുകേഷ് അംബാനിയും പങ്കെടുക്കുമെന്നാണ് ലഭ്യമായ വിവരം.
127 വർഷത്തിനുശേഷം, തുടർച്ചയായല്ലാതെ വീണ്ടും അമേരിക്കൻ പ്രസിഡന്റാകുന്ന ട്രംപ് നാലുവർഷത്തിനുശേഷമാണ് വീണ്ടും വൈറ്റ് ഹൗസിന്റെ പടി ചവിട്ടാനൊരുങ്ങുന്നത്. ഇന്ത്യൻ പ്രാദേശിക സമയം രാത്രി 10.30നാണ് (ഈസ്റ്റേൺ സമയം ഉച്ചയ്ക്ക് 12) ചടങ്ങുകൾ തുടങ്ങുന്നത്. വാഷിംഗ്ടൺ ഡിസിയിൽ 50-ാം വൈസ് പ്രസിഡന്റായി ജെ.ഡി.വാൻസും ഇന്ന് തന്നെയാണ് അധികാരമേൽക്കുക.