നവി മുംബൈ: മാതൃഭാഷയായ മറാഠി സംസാരിക്കാൻ വിസമ്മതിച്ചതിനും ഹിന്ദി ഉപയോഗിച്ചതിനും ആറു വയസ്സുകാരിയെ സ്വന്തം അമ്മ ശ്വാസം മുട്ടിച്ച് കൊലപ്പെടുത്തി (Murder). നവി മുംബൈയിലെ കലാംബോളിയിൽ ഞായറാഴ്ചയാണ് നാടിനെ നടുക്കിയ ഈ ക്രൂരകൃത്യം അരങ്ങേറിയത്. സംഭവവുമായി ബന്ധപ്പെട്ട് മുപ്പതുകാരിയായ അമ്മയെ പോലീസ് അറസ്റ്റ് ചെയ്തു.
വീട്ടിൽ ആരുമില്ലാത്ത സമയത്താണ് യുവതി മകളെ ക്രൂരമായി കൊലപ്പെടുത്തിയത്. മകൾ ബോധരഹിതയായി വീണതാണെന്നും ഹൃദയാഘാതം സംഭവിച്ചതാണെന്നുമാണ് യുവതി ആദ്യം നാട്ടുകാരോടും പോലീസിനോടും പറഞ്ഞത്. എന്നാൽ കുട്ടിയുടെ കഴുത്തിലെ പാടുകളും പെരുമാറ്റത്തിലെ അസ്വാഭാവികതയും ശ്രദ്ധിച്ച പോലീസ് യുവതിയെ വിശദമായി ചോദ്യം ചെയ്യുകയായിരുന്നു. ആറ് മണിക്കൂർ നീണ്ട ചോദ്യം ചെയ്യലിനൊടുവിൽ താൻ തന്നെയാണ് മകളെ കൊന്നതെന്ന് യുവതി സമ്മതിച്ചു.
മകൾ എപ്പോഴും ഹിന്ദി സംസാരിക്കുന്നതിൽ താൻ പ്രകോപിതയായിരുന്നുവെന്നും പലതവണ വിലക്കിയിട്ടും കുട്ടി മറാഠി സംസാരിക്കാത്തതാണ് കൊലപാതകത്തിന് പ്രേരിപ്പിച്ചതെന്നും പ്രതി പോലീസിനോട് വെളിപ്പെടുത്തി. സയൻസ് ബിരുദധാരിയായ യുവതി കഴിഞ്ഞ കുറച്ചു കാലമായി മാനസികാരോഗ്യ പ്രശ്നങ്ങൾക്ക് ചികിത്സ തേടിയിരുന്നതായി പോലീസ് അറിയിച്ചു. ഐടി എൻജിനീയറായ ഭർത്താവിനൊപ്പമാണ് ഇവർ താമസിച്ചിരുന്നത്. കുട്ടിയുടെ മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുനൽകി.
A 30-year-old mother was arrested in Navi Mumbai for allegedly strangling her six-year-old daughter to death over the child's inability to speak Marathi. The suspect initially tried to frame the death as a heart attack, but later confessed to the crime during police interrogation, citing her frustration with the child's preference for Hindi. Police noted that the woman, a science graduate, had been undergoing treatment for mental health issues.