ചെന്നൈ: നാളെ മുതൽ തമിഴ്‌നാട്ടിൽ മിതമായ മഴ ലഭിക്കുമെന്നും, താപനില സാധാരണയേക്കാൾ കുറയാൻ സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.കഴിഞ്ഞ കുറച്ച് ആഴ്ചകളായി തമിഴ്‌നാട്ടിൽ താപനില സാധാരണയേക്കാൾ 3 ഡിഗ്രി സെൽഷ്യസ് വരെ വർദ്ധിച്ചു. ഈ സ്ഥിതി പതുക്കെ മാറിക്കൊണ്ടിരിക്കുന്നു എന്നാണ് കാലാവസ്ഥാ വകുപ്പ് അറിയിച്ചിരിക്കുന്നത്.
തമിഴ്‌നാട്, പുതുച്ചേരി, കാരക്കൽ മേഖലകളിൽ ഇന്ന് വരണ്ട കാലാവസ്ഥയായിരിക്കും. രാവിലെ മൂടൽമഞ്ഞ് ഉണ്ടാകും. നാളെ തമിഴ്‌നാട്, പുതുച്ചേരി, കാരക്കൽ എന്നിവിടങ്ങളിൽ ഒന്നോ രണ്ടോ സ്ഥലങ്ങളിൽ നേരിയതോ മിതമായതോ ആയ മഴയ്ക്ക് സാധ്യത.
ഇതുമൂലം, നാളെ മുതൽ അടുത്ത മൂന്ന് ദിവസത്തേക്ക് തമിഴ്‌നാട്ടിലെ പരമാവധി താപനിലയിൽ നേരിയ കുറവുണ്ടാകാൻ സാധ്യതയുണ്ട്. ചെന്നൈയിലും പരിസര പ്രദേശങ്ങളിലും ഇന്ന് ആകാശം ഭാഗികമായി മേഘാവൃതമായിരിക്കും. രാവിലെ നേരിയ മൂടൽമഞ്ഞ് ഉണ്ടാകുമെന്നും കാലാവസ്ഥാ വകുപ്പ് പ്രവചിക്കുന്നു.