ലഖ്നൗ: ഉത്തർപ്രദേശിലുണ്ടായ വാഹനാപകടത്തിൽ രണ്ട് യുവാക്കൾ മരിച്ചു (Death). കനത്ത മൂടൽമഞ്ഞിനെത്തുടർന്ന് കാഴ്ചാപരിധി കുറഞ്ഞതാണ് അപകടത്തിന് കാരണമായത്. ബറേലി-പിലിഭിത്ത് ഹൈവേയിൽ സിത്ര ഗ്രാമത്തിന് സമീപം ഞായറാഴ്ച രാത്രിയായിരുന്നു സംഭവം.
പിലിഭിത്ത് ജില്ലയിലെ അജിത്ദണ്ടി ഗ്രാമവാസികളായ പ്രേംപാൽ (31), സുനിൽ കുമാർ (17) എന്നിവരാണ് മരിച്ചത്. കൂടെയുണ്ടായിരുന്ന ഗോപാൽ (18) എന്ന യുവാവിന് പരിക്കേറ്റു. ജോലി കഴിഞ്ഞ് ബൈക്കിൽ വീട്ടിലേക്ക് മടങ്ങുകയായിരുന്നു മൂവരും. കനത്ത മൂടൽമഞ്ഞ് മൂലം എതിരെ വന്ന ട്രക്ക് കാണാൻ കഴിയാതിരുന്നതാണ് അപകടത്തിന് വഴിവെച്ചത്.
അപകടത്തിന് പിന്നാലെ ട്രക്ക് ഡ്രൈവർ വാഹനം ഉപേക്ഷിച്ച് ഓടി രക്ഷപ്പെട്ടു. ഇയാൾക്കായി ഹാഫിസ്ഗഞ്ച് പോലീസ് തിരച്ചിൽ ആരംഭിച്ചു. പരിക്കേറ്റ ഗോപാലിനെ സമീപത്തെ കമ്മ്യൂണിറ്റി ഹെൽത്ത് സെന്ററിൽ പ്രവേശിപ്പിച്ചു. മൃതദേഹങ്ങൾ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുത്തു. ഉത്തരേന്ത്യയിൽ ശൈത്യകാലം കഠിനമായതോടെ മൂടൽമഞ്ഞ് കാരണം റോഡ് അപകടങ്ങൾ വർദ്ധിച്ചുവരികയാണ്.
Two young men were killed and one was injured after their motorcycle collided with a truck due to heavy fog on the Bareilly-Pilibhit highway in Uttar Pradesh. The victims, identified as Prempal (31) and Sunil Kumar (17), were returning home from work on Sunday night when the accident occurred near Sitra village. The truck driver fled the scene, and police have launched an investigation while the injured survivor is receiving medical treatment.