മുംബൈ: ഗോരേഗാവിലെ റെസിഡൻഷ്യൽ കെട്ടിടത്തിൽ വൻ തീപിടുത്തം(fire breaks out). എസ്‌വി റോഡിലെ ഷാലിമാർ ബിൽഡിംഗിൽ, സിദ്ധി ഗണേഷ് സൊസൈറ്റിയിലെ ജി 5 കെട്ടിടത്തിലാണ് തീ പടർന്നു പിടിച്ചത്.
കെട്ടിടത്തിലെ കോമൺ ഇലക്ട്രിക് മീറ്റർ ബോക്സ് ഏരിയയിലാണ് ആദ്യം തീപിടിച്ചത്. ഇന്ന് ഉച്ചയ്ക്ക് 12.18 നാണ് സംഭവം നടന്നത്. വിവരമറിഞ്ഞ് സ്ഥലത്തെത്തിയ മുംബൈ അഗ്നിശമന സേനയും, ലോക്കൽ പോലീസും സംയുക്തമായാണ് തീ നിയന്ത്രണ വിധേയമാക്കിയത്. അതേസമയം, അപകടത്തിൽ ആളപായം റിപ്പോർട്ട് ചെയ്തിട്ടില്ല.