മണിപ്പൂർ : പ്രതിഷേധക്കാർക്ക് നേരെ സുരക്ഷാസേന ടിയർ ഗ്യാസ് പ്രയോഗിച്ചു. സംഘർഷം തുടരുന്ന സാഹചര്യത്തിൽ അതീവ ജാഗ്രത നിർദ്ദേശം നൽകിയിരിക്കുകയാണ്. ജിരിബാമിൽ നിന്ന് വിഘടനവാദികൾ തട്ടിക്കൊണ്ടുപോയ കുഞ്ഞുങ്ങളെയും സ്ത്രീകളെയും കൊലപ്പെടുത്തിയതിന് പിന്നാലെയാണ് മണിപ്പൂർ വീണ്ടും സംഘർഷഭരിതമായത്. (Manipur conflict)
മുഖ്യമന്ത്രി എൻ ബിരേൻ സിംങ്ങിൻ്റെയും എംഎൽഎമാരുടെയും വീടുകൾക്ക് നേരെ പ്രതിഷേധക്കാർ ആക്രമണം നടത്തി. വിവിധ ഇടങ്ങളിൽ ജനപ്രതിനിധികളുടെ വീടുകൾ തകർത്തു. അഫ്സ്പ പുനഃസ്ഥാപിച്ച നടപടി പിൻവലിക്കണമെന്ന് മണിപ്പൂർ സർക്കാർ കേന്ദ്രത്തോട് ആവശ്യപ്പെട്ടു. സിആർപിഎഫ് ഡി ജി അനീഷ് ദയാൽ മണിപ്പൂരിലെത്തി. ഉന്നത ഉദ്യോഗസ്ഥരുമായി യോഗം ചേരും. കേന്ദ്ര ആഭ്യന്തരമന്ത്രി അമിത് ഷായുടെ നിർദ്ദേശപ്രകാരമാണ് സന്ദർശനം.