ഷാമിലി: ഉത്തർപ്രദേശിലെ ഷാമിലിയിൽ ബുർഖ ധരിക്കാതെ പുറത്തിറങ്ങിയതിനെ തുടർന്നുണ്ടായ തർക്കത്തിൽ ഭാര്യയെയും രണ്ട് ചെറിയ പെൺമക്കളെയും ഭർത്താവ് കൊലപ്പെടുത്തി വീടിനുള്ളിലെ കുഴിയിൽ കുഴിച്ചുമൂടി (Murder). പ്രതിയായ ഫാറൂഖിനെ പോലീസ് അറസ്റ്റ് ചെയ്തു.
ഭാര്യ തഹിറ (35), മക്കളായ ഷരീൻ (14), അഫ്രീൻ (6) എന്നിവരെയാണ് പ്രതി കൊലപ്പെടുത്തിയത്. ഫാറൂഖിൻ്റെ ഭാര്യ തഹിറ ബുർഖ ധരിക്കാതെ സ്വന്തം വീട്ടിലേക്ക് പോയതാണ് പ്രതിയെ പ്രകോപിപ്പിച്ചത്. ഇത് തൻ്റെ മാന്യതയെ ബാധിച്ചുവെന്ന് ഫാറൂഖ് കരുതി. സാമ്പത്തിക ബുദ്ധിമുട്ടുകളെച്ചൊല്ലി ഇവർക്കിടയിൽ നേരത്തെയും തർക്കങ്ങൾ നിലനിന്നിരുന്നു. ഡിസംബർ 9, 10 തീയതികളിലായിട്ടാണ് കൊലപാതകം നടന്നതെന്ന് കരുതപ്പെടുന്നു. കൊലപാതകത്തിന് ശേഷം വീട്ടിലെ മുറ്റത്തുള്ള ഒരു കുഴിയിൽ (ഏകദേശം 7 അടി താഴ്ചയുള്ള സെപ്റ്റിക് ടാങ്ക് കുഴി) മൃതദേഹങ്ങൾ കുഴിച്ചുമൂടി അതിനു മുകളിൽ സിമൻ്റ് ഉപയോഗിച്ച് തറ പണിയുകയും ചെയ്തു.
ഒരാഴ്ചയായി ഭാര്യയെയും മക്കളെയും കാണാത്തതിനെത്തുടർന്ന് ഫാറൂഖിൻ്റെ പിതാവ് പോലീസിൽ പരാതി നൽകിയതോടെയാണ് ക്രൂരത പുറംലോകമറിഞ്ഞത്. ഇവർ മറ്റൊരിടത്തേക്ക് വാടകയ്ക്ക് താമസം മാറിയെന്നാണ് ഫാറൂഖ് നാട്ടുകാരോട് പറഞ്ഞിരുന്നത്. പോലീസ് ഫാറൂഖിനെ കസ്റ്റഡിയിലെടുത്ത് ചോദ്യം ചെയ്തപ്പോൾ അയാൾ കുറ്റം സമ്മതിച്ചു. ആദ്യം ഭാര്യയെ വെടിവെച്ചു കൊലപ്പെടുത്തിയെന്നും, അത് കണ്ടുണർന്ന മക്കളെയും പിന്നീട് കൊലപ്പെടുത്തുകയായിരുന്നുവെന്നും പ്രതി പോലീസിനോട് പറഞ്ഞു.
പോലീസും സൂപ്രണ്ട് എൻ.പി സിംഗും സ്ഥലത്തെത്തി മൃതദേഹങ്ങൾ പുറത്തെടുത്ത് പോസ്റ്റ്മോർട്ടത്തിനായി അയച്ചു. കൊലപാതകത്തിന് ഉപയോഗിച്ച തോക്കും തിരകളും പോലീസ് കണ്ടെടുത്തിട്ടുണ്ട്.
In a horrific incident in Shamli, Uttar Pradesh, a man named Farooq allegedly murdered his wife, Tahira (35), and their two daughters, Shareen (14) and Afreen (6), after a dispute over her not wearing a burqa. Farooq claimed his "honour was compromised" when his wife left for her parents' house without the veil. He shot his wife and then killed his daughters after they witnessed the crime