ജോധ്പൂർ: രാജസ്ഥാനിലെ ജോധ്പൂരിൽ രണ്ട് പെൺമക്കളെ വർഷങ്ങളോളം ലൈംഗികമായി പീഡിപ്പിച്ച പിതാവിനെ പോലീസ് അറസ്റ്റ് ചെയ്തു (Child Abuse Arrest). പത്തൊൻപത് വയസ്സുള്ള മൂത്ത മകളെ കഴിഞ്ഞ 12 വർഷമായി ഇയാൾ പീഡനത്തിന് ഇരയാക്കി വരികയായിരുന്നു. കഴിഞ്ഞ ദിവസം 15 വയസ്സുള്ള ഇളയ മകളെ കൂടി ഇയാൾ ഉപദ്രവിക്കാൻ ശ്രമിച്ചതോടെയാണ് വർഷങ്ങളായി തുടർന്ന ക്രൂരത പുറംലോകം അറിഞ്ഞത്.
കളക്ടറേറ്റ് പരിസരത്ത് ഒളിവിൽ കഴിഞ്ഞിരുന്ന പ്രതിയെ വെള്ളിയാഴ്ചയാണ് പോലീസ് പിടികൂടിയത്. മൂത്ത മകൾക്ക് ആറ് വയസ്സുള്ളപ്പോഴാണ് ഇയാൾ ആദ്യമായി ലൈംഗികമായി പീഡിപ്പിച്ചത്. അമ്മയോടോ മറ്റുള്ളവരോടോ വിവരം പറഞ്ഞാൽ കൊല്ലുമെന്ന് ഭീഷണിപ്പെടുത്തിയായിരുന്നു തുടർച്ചയായ പീഡനം. കഴിഞ്ഞ മാസം പോലും ഇയാൾ പെൺകുട്ടിയെ ബലാത്സംഗം ചെയ്തതായി പോലീസ് പറഞ്ഞു. എന്നാൽ ഇളയ സഹോദരിയെ ഉപദ്രവിക്കാൻ ശ്രമിച്ചതോടെ ഇരുവരും തമ്മിൽ സംസാരിക്കുകയും വിവരം അമ്മയെ അറിയിക്കുകയുമായിരുന്നു.
സംഭവം അറിഞ്ഞ കുട്ടികളുടെ മാതാവ് പ്രതിയുമായി തർക്കത്തിലേർപ്പെടുകയും തുടർന്ന് പോലീസിൽ പരാതി നൽകുകയും ചെയ്തു. ഇതേത്തുടർന്ന് മൂന്ന് ദിവസമായി ഒളിവിൽ കഴിയുകയായിരുന്നു ഇയാൾ. പ്രതിക്കെതിരെ ബലാത്സംഗം, ഭീഷണിപ്പെടുത്തൽ, പോക്സോ വകുപ്പുകൾ എന്നിവ പ്രകാരം കേസ് രജിസ്റ്റർ ചെയ്തിട്ടുണ്ട്. കുട്ടികളുടെ മൊഴി രേഖപ്പെടുത്തിയതായും വൈദ്യപരിശോധന പൂർത്തിയാക്കിയതായും പോലീസ് അറിയിച്ചു.
A man in Rajasthan's Jodhpur has been arrested for the prolonged sexual abuse of his two daughters. The abuse was revealed when the younger daughter confided in her sister, leading to the discovery of 12 years of exploitation. The police have registered a case under the POCSO Act following a complaint from the children's mother.