ബെംഗളൂരു: ഹോസ്കോട്ടയിൽ ഇന്ന് പുലർച്ചെയുണ്ടായ ഭീകരമായ വാഹനാപകടത്തിൽ ഏഴുപേർ കൊല്ലപ്പെട്ടു. ഹോസ്കോട്ട്-ദാബാസ്പേട്ട് സാറ്റലൈറ്റ് ടൗൺ റിങ് റോഡിൽ എം. സത്യവര ഗ്രാമത്തിന് സമീപമാണ് കാറും ബൈക്കും ചരക്കുലോറിയും ഉൾപ്പെട്ട അപകടം നടന്നത്.(Major tragedy in Bengaluru, 7 dead in car, bike and lorry accident)
ഹോസ്കോട്ടയിൽ നിന്ന് അതിവേഗത്തിൽ വരികയായിരുന്ന കാർ ആദ്യം മുന്നിൽ പോവുകയായിരുന്ന ബൈക്കിൽ ഇടിക്കുകയായിരുന്നു. ബൈക്കിൽ ഇടിച്ച ശേഷം നിയന്ത്രണം നഷ്ടപ്പെട്ട കാർ സമീപത്തുണ്ടായിരുന്ന ചരക്ക് ലോറിയിൽ അതിശക്തമായി ഇടിച്ചു.
കാറിലുണ്ടായിരുന്ന ആറുപേരും ബൈക്ക് യാത്രികനും മരിച്ചു. മരിച്ചവരിൽ ഭൂരിഭാഗവും ബെംഗളൂരു കൊത്തന്നൂർ സ്വദേശികളാണെന്നാണ് വിവരം. പോലീസ് സ്ഥലത്തെത്തി മൃതദേഹങ്ങൾ ആശുപത്രിയിലേക്ക് മാറ്റി. കൂടുതൽ അന്വേഷണം നടത്തിവരികയാണ്.
