മുംബൈ: മഹാരാഷ്ട്ര ദളിത് ഫെഡറേഷൻ അധ്യക്ഷൻ ഉത്തം മൊഹിതെ കുത്തേറ്റ് മരിച്ചു. സാംഗ്ലിയിൽ വെച്ച് ജന്മദിനം ആഘോഷിക്കുന്നതിനിടെയാണ് മൊഹിതെ കൊല്ലപ്പെട്ടത്. മൊഹിതെയുടെ വയറ്റിലാണ് കുത്തേറ്റത്. മൊഹിതെയെ ആക്രമിച്ച ഷാരൂഖ് ഷെയ്ഖ് എന്നയാളെ സംഭവസ്ഥലത്തുവെച്ച് ജനക്കൂട്ടം തല്ലിക്കൊന്നു. (Maharashtra Dalit Federation president stabbed to death)
ഇതോടെ, സംഭവത്തിൽ രണ്ട് പേരാണ് മരിച്ചത്. ഇരട്ടക്കൊലപാതകത്തെ തുടർന്ന് ചുറ്റുമുള്ള പ്രദേശങ്ങളിൽ സംഘർഷാവസ്ഥ ഉടലെടുത്തിട്ടുണ്ട്. ക്രമസമാധാനം ഉറപ്പുവരുത്തുന്നതിനായി വിശ്രാംബാഗ്, സാംഗ്ലി പോലീസ് കൂടുതൽ സേനയെ വിന്യസിച്ചിരിക്കുകയാണ്.
വിശ്രാംബാഗ്, സാംഗ്ലി പോലീസ് ഇരട്ടക്കൊലപാതകത്തെക്കുറിച്ച് സമഗ്രമായ അന്വേഷണം ആരംഭിച്ചു. സംഭവസ്ഥലത്തുണ്ടായിരുന്ന ഒട്ടേറെപ്പേരെ ചോദ്യംചെയ്തുവരികയാണെന്നും, ആക്രമണത്തിന്റെ പൂർണ്ണ വിവരങ്ങൾക്കായി സി.സി.ടി.വി. ദൃശ്യങ്ങൾ പരിശോധിക്കുകയാണെന്നും പോലീസ് അറിയിച്ചു.