മുംബൈ: പൊതു സുരക്ഷാ ബിൽ പാസാക്കി മഹാരാഷ്ട്ര നിയമസഭ. നഗര നക്സലിസത്തിലും നിഷ്ക്രിയ തീവ്രവാദത്തിലും ശ്രദ്ധ കേന്ദ്രീകരിച്ച് ഇടതുപക്ഷ തീവ്രവാദ സംഘടനകളുടെ നിയമവിരുദ്ധ പ്രവർത്തനങ്ങൾ തടയുക എന്നതാണ് ഇതിൻ്റെ ലക്ഷ്യം.(Maharashtra assembly passes Public Security Bill )
ബിൽ അവതരിപ്പിക്കുന്നതിനിടെ, ആഭ്യന്തര വകുപ്പിൻ്റെ ചുമതല വഹിക്കുന്ന മുഖ്യമന്ത്രി ദേവേന്ദ്ര ഫഡ്‌നാവിസ് പറഞ്ഞത് സർക്കാർ ഇടതുപക്ഷ പ്രത്യയശാസ്ത്രത്തിനോ സംഘടനകൾക്കോ എതിരല്ലെന്നും എതിർപ്പുകൾ അടിച്ചമർത്താൻ ഉദ്ദേശിക്കുന്നില്ലെന്നും ആണ്.
തെലങ്കാന, ആന്ധ്രാപ്രദേശ്, ഒഡീഷ, ജാർഖണ്ഡ് എന്നിവയ്ക്ക് ശേഷം 'നഗര നക്സലിസം' തടയുന്നതിനായി പ്രത്യേക പൊതു സുരക്ഷാ നിയമം നടപ്പിലാക്കുന്ന അഞ്ചാമത്തെ സംസ്ഥാനമായിരിക്കും മഹാരാഷ്ട്ര.