പ്രയാഗ്‌രാജ് : ഉത്തർപ്രദേശ് മുഖ്യമന്ത്രി യോഗി ആദിത്യനാഥ് വ്യാഴാഴ്ച പ്രയാഗ്‌രാജിലെ മഹാ കുംഭ മേളയ്ക്കായി വിന്യസിച്ചിരിക്കുന്ന ശുചീകരണ തൊഴിലാളികൾക്ക് അവരുടെ കഠിനാധ്വാനത്തിനും അർപ്പണബോധത്തിനും അംഗീകാരമായി 10,000 രൂപ അധിക ബോണസ് നൽകുമെന്ന് പ്രഖ്യാപിച്ചു. കൂടാതെ, ആരോഗ്യ പ്രവർത്തകർക്ക് 5 ലക്ഷം രൂപയുടെ ആരോഗ്യ ഇൻഷുറൻസ് പരിരക്ഷയും നൽകും. ബോണസ് തുക ഏപ്രിലിൽ ജീവനക്കാരുടെ അക്കൗണ്ടിൽ നിക്ഷേപിക്കും.(Maha Kumbh Mela 2025)
ഉത്തർപ്രദേശിലെ ശുചീകരണ തൊഴിലാളികളുടെ ശമ്പളവും യോഗി ആദിത്യനാഥ് സർക്കാർ വർധിപ്പിച്ചു. ഏപ്രിലിൽ മുതൽ സംസ്ഥാനത്തെ എല്ലാ ശുചീകരണ തൊഴിലാളികൾക്കും മിനിമം പ്രതിമാസ ശമ്പളം 16,000 രൂപ ലഭിക്കും. നേരത്തെ 9,000 രൂപ മുതൽ 11,000 രൂപ വരെയായിരുന്നു ഇവരുടെ ശമ്പളം, എന്നാൽ ഇപ്പോൾ എല്ലാവർക്കും 16,000 രൂപ ഏകീകൃത ശമ്പള ഘടന നടപ്പാക്കി.
ഇത് ഉത്തർപ്രദേശിലെ ആയിരക്കണക്കിന് ശുചീകരണ തൊഴിലാളികൾക്ക് പ്രയോജനപ്പെടും. മഹാ കുംഭ മേളയിൽ, ഉത്തർപ്രദേശ് സർക്കാർ ഏറ്റവും വലിയ ഏകോപിത ശുചിത്വ കാമ്പയിൻ നടത്തി ഗിന്നസ് വേൾഡ് റെക്കോർഡ് നേടി. ഈ നേട്ടത്തിന് മുഖ്യമന്ത്രി യോഗി ആദിത്യനാഥ്, ഉപമുഖ്യമന്ത്രിമാരായ കേശവ് പ്രസാദ് മൗര്യ, ബ്രജേഷ് പഥക് എന്നിവർക്കൊപ്പം ഗിന്നസ് വേൾഡ് റെക്കോർഡ്സിൽ നിന്ന് പുരസ്‌കാരം ഏറ്റുവാങ്ങി.