ഡെറാഡൂൺ: ചന്ദ്രഗ്രഹണത്തെ തുടർന്ന് അടച്ചിട്ട ബദരീനാഥ്, കേദാർനാഥ് ക്ഷേത്രങ്ങളുടെ കവാടങ്ങളും ബദരീനാഥ്-കേദാർനാഥ് ക്ഷേത്ര കമ്മിറ്റി (ബികെടിസി) യുടെ കീഴിലുള്ള എല്ലാ ആരാധനാലയങ്ങളും തുറന്നു(Lunar Eclipse). ഞായറാഴ്ച രാത്രി നടന്ന ചന്ദ്രഗ്രഹണത്തിന് മുന്നോടിയായാണ് ക്ഷേത്രങ്ങൾ അടച്ചത്.
കാലങ്ങളായി നിലനിൽക്കുന്ന കീഴ്വഴക്കങ്ങളുടെ ഭാഗമായാണ് ക്ഷേത്രങ്ങൾ അടച്ചിട്ടത്. ഗ്രഹണം ആരംഭിക്കുന്നതിന് 9 മണിക്കൂർ മുമ്പ് ആരംഭിച്ച 'സൂതക' സമയത്താണ് ക്ഷേത്രങ്ങൾ അടച്ചത്. അതേസമയം ഇന്ന് രാവിലെ എല്ലാ ആരാധനാലയങ്ങളും ഭക്തർക്കായി വീണ്ടും തുറന്നു കൊടുത്തു.