ലൂധിയാന: പഞ്ചാബിലെ ലൂധിയാനയിൽ യുവാവിനെ അതിക്രൂരമായി കൊലപ്പെടുത്തി മൃതദേഹം കഷ്ണങ്ങളാക്കി മുറിച്ച നിലയിൽ കണ്ടെത്തി (Ludhiana Drum Murder). ജലന്ധർ ബൈപാസിന് സമീപമുള്ള ഒഴിഞ്ഞ പറമ്പിൽ ഉപേക്ഷിച്ച പ്ലാസ്റ്റിക് ഡ്രമ്മിനുള്ളിലായിരുന്നു ശരീരഭാഗങ്ങൾ. മുംബൈയിൽ നിന്ന് അടുത്തിടെ നാട്ടിലെത്തിയ 35-കാരനായ ദേവീന്ദർ കുമാറാണ് കൊല്ലപ്പെട്ടതെന്ന് പോലീസ് സ്ഥിരീകരിച്ചു.
ജലന്ധർ ബൈപാസിലൂടെ നടന്നുപോയ ഒരാൾ ഒഴിഞ്ഞ പറമ്പിൽ സംശയാസ്പദമായ രീതിയിൽ ഒരു ഡ്രം കണ്ടതിനെത്തുടർന്ന് പോലീസിനെ വിവരമറിയിക്കുകയായിരുന്നു. പോലീസ് നടത്തിയ പരിശോധനയിൽ ശരീരഭാഗങ്ങൾ കണ്ടെത്തി. മൃതദേഹത്തിന് ആറ് കഷ്ണങ്ങളുണ്ടായിരുന്നുവെന്നും എന്നാൽ ഇരയുടെ വലതുകൈ നഷ്ടപ്പെട്ട നിലയിലാണെന്നും പോലീസ് അറിയിച്ചു.
മരപ്പണിക്കാരനായ ഷംഷേർ എന്ന ഷേരയെയും ഭാര്യയെയും കേസിൽ പോലീസ് അറസ്റ്റ് ചെയ്തിട്ടുണ്ട്. ദേവീന്ദറും ഷംഷേറും അടുത്ത സുഹൃത്തുക്കളായിരുന്നു. പണമിടപാടുകളെച്ചൊല്ലിയുള്ള തർക്കമാണ് കൊലപാതകത്തിൽ കലാശിച്ചതെന്നാണ് പ്രാഥമിക നിഗമനം. ഈർച്ചവാൾ ഉപയോഗിച്ചാണ് പ്രതി ശരീരഭാഗങ്ങൾ മുറിച്ചതെന്ന് കരുതപ്പെടുന്നു. ഇരയ്ക്ക് മാരകമായ മരുന്ന് കുത്തിവെച്ചിരുന്നോ എന്നതടക്കമുള്ള കാര്യങ്ങൾ മെഡിക്കൽ ബോർഡ് പരിശോധിച്ചുവരികയാണ്.
A horrific murder has come to light in Ludhiana, Punjab, where the dismembered body of 35-year-old Davinder Kumar was found stuffed inside a plastic drum. The victim, who had recently returned from Mumbai, was allegedly killed and cut into six pieces by his close friend Shamsher and his wife over a financial dispute. While the police have arrested the suspects and recovered the weapon, they are still searching for the victim's missing right hand and investigating the exact circumstances of the brutal crime.