ഭുവനേശ്വർ: ബംഗാൾ ഉൾക്കടലിൽ പുതിയ ന്യൂനമർദ്ദം രൂപപ്പെട്ടതിനെ തുടർന്ന് ഒഡീഷയിലെ 18 ജില്ലകളിൽ അതീവ ജാഗ്രതാ നിർദേശം പുറപ്പെടുവിച്ചു(weather updates). കോരാപുട്ട്, മാൽക്കാൻഗിരി, നബരംഗ്പൂർ ഉൾപ്പടെയുള്ള 18 ജില്ലകളിലാണ് ജാഗ്രതാ നിർദേശം പുറപ്പെടുവിച്ചിരിക്കുന്നത്.
ഈ ജില്ലകളിലെ എല്ലാ സർക്കാർ ജീവനക്കാരുടെയും അവധികൾ ജില്ലാ കളക്ടർമാർ റദ്ദാക്കുകയും അവരോട് ജോലിയിൽ പ്രവേശിക്കാൻ ആവശ്യപ്പെടുകയും ചെയ്തു. മാത്രമല്ല; കനത്ത മഴയെ തുടർന്ന് ഉണ്ടാകുന്ന ഏത് അടിയന്തര സാഹചര്യത്തെയും നേരിടാൻ തയ്യാറായിരിക്കണമെന്ന് ഉദ്യോഗസ്ഥരോട് പ്രത്യേക ദുരിതാശ്വാസ കമ്മീഷണർ ആവശ്യപ്പെട്ടു.