'സ്ഥലം വിട്ടോണം , അല്ലെങ്കിൽ ഞങ്ങൾ നിങ്ങളെ കൊല്ലും'; ക്ഷേത്രത്തിനുള്ളിൽ പൂജാരി ക്രൂരമായി കൊല്ലപ്പെട്ട സംഭവത്തിൽ രണ്ടു പേർ അറസ്റ്റിൽ

ബീഹാർ : ബിഹാറിലെ മോത്തിഹാരിയിൽ പൂജാരിയെ ക്ഷേത്രത്തിനുള്ളിൽ മരിച്ച നിലയിൽ കണ്ടെത്തിയ സംഭവത്തിൽ കൂടുതൽ വിവരങ്ങൾ പുറത്ത്. പിപ്ര പോലീസ് സ്റ്റേഷൻ പരിധിയിലെ ശിവക്ഷേത്രത്തിലെ പൂജാരിയെയാണ് മരിച്ച നിലയിൽ കണ്ടെത്തിയത്. ക്ഷേത്രത്തിനുള്ളിൽ കടന്ന അക്രമിസംഘം പൂജാരിയെ വെട്ടിയും, കുത്തിയും കൊലപ്പെടുത്തുകയായിരുന്നു.

വ്യാഴാഴ്ച രാവിലെ ക്ഷേത്രത്തിൽ ആരാധനയ്ക്കായി എത്തിയ ആളുകൾ രക്തത്തിൽ കുളിച്ചുകിടക്കുന്ന പൂജാരിയുടെ മൃതദേഹം കണ്ടത്. ഇതോടെ ക്ഷേത്രപരിസരത്ത് വലിയൊരു ജനക്കൂട്ടം തടിച്ചുകൂടി. സംഭവത്തെക്കുറിച്ചുള്ള വിവരം ലഭിച്ചയുടൻ പോലീസും എഫ്‌എസ്‌എൽ സംഘവും സ്ഥലത്തെത്തി തെളിവുകൾ ശേഖരിച്ച ശേഷം മൃതദേഹം പോസ്റ്റ്‌മോർട്ടത്തിനായി അയച്ചു. രണ്ട് ദിവസം മുമ്പ്, തങ്ങളുടെ കുടുംബത്തിൽ തന്നെയുള്ളവർ തങ്ങളെ കൊല്ലുമെന്ന് ഭീഷണിപ്പെടുത്തിയതായി കുടുംബാംഗങ്ങൾ പറഞ്ഞു.

ഭൂമിയെച്ചൊല്ലിയുള്ള തർക്കത്തിലാണ് പുരോഹിതൻ കൊല്ലപ്പെട്ടതെന്ന് എസ്എച്ച്ഒ അനുജ് സിംഗ് പറഞ്ഞു. ഇവിടം വിട്ടു പോയില്ലെങ്കിൽ കൊല്ലുമെന്ന് പൂജാരിയെ ഒരുസംഘം ഭീഷണിപ്പെടുത്തിയതായും അദ്ദേഹം പറഞ്ഞു. സംഭവത്തിൽ കുടുംബത്തിലെ കുടുംബം മൂന്ന് പേർക്കെതിരെ കേസെടുത്തു. രണ്ട് പ്രതികളെ അറസ്റ്റ് ചെയ്തിട്ടുണ്ട്. കൊലയാളികളെ ഉടൻ അറസ്റ്റ് ചെയ്യുമെന്ന് പോലീസ് ഉറപ്പ് നൽകിയിട്ടുണ്ട്.