ശ്രീനഗര് : ജമ്മു കശ്മീരിലെ വൈഷ്ണോ ദേവി ക്ഷേത്രത്തിലേക്കുള്ള പാതയില് ഉണ്ടായ ഉരുള്പൊട്ടലില് മരിച്ചവരുടെ എണ്ണം 34 ആയി. അപകടത്തിൽ 18 പേര്ക്ക് പരിക്കേറ്റു. അവശിഷ്ടങ്ങള്ക്കിടയില് നിന്ന് മൃതദേഹങ്ങള് പുറത്തെടുത്തത്.
ചൊവ്വാഴ്ച ഉച്ചകഴിഞ്ഞ് മൂന്നുമണിയോടെ മലയുടെ ഒരു ഭാഗം ഇടിഞ്ഞുവീഴുകയായിരുന്നു.കത്ര ടൗണില് നിന്ന് മലമുകളിലെ ക്ഷേത്രത്തിലേക്കുള്ള 12 കിലോമീറ്റര് പാതയുടെ ഏകദേശം പകുതി ദൂരത്തുള്ള ഒരു സംരക്ഷണ ഷെഡ്ഡിനടുത്താണ് മണ്ണിടിച്ചിലുണ്ടായത്.
ക്ഷേത്രത്തിലേക്കുള്ള പാതയിലെ അദ്ക്വാരിയിലെ ഇന്ദ്രപ്രസ്ഥ ഭോജനാലയത്തിന് സമീപം അപകടം നടന്നത്. നൂറുകണക്കിന് തീര്ത്ഥാടകെരാണ് ഈ സമയം പാതയില് ഉണ്ടായിരുന്നത്. അവശിഷ്ടങ്ങള്ക്കിടയില് നിന്ന് 30 മൃതദേഹങ്ങള് കണ്ടെടുത്തു. നിരവധി പേര് ചികിത്സയില് തുടരുകയാണ്.
കൂടുതല് ആളുകള് കുടുങ്ങിക്കിടക്കാന് സാധ്യതയുണ്ടെന്ന ആശങ്കയില് രക്ഷാപ്രവര്ത്തകര് ഇപ്പോഴും അവശിഷ്ടങ്ങള്ക്കിടയില് തിരച്ചില് നടത്തുകയാണ്. മഴ തുടരുന്നതും ദുര്ഘടമായ ഭൂപ്രകൃതിയും രക്ഷാപ്രവര്ത്തനത്തിന് വെല്ലുവിളി നേരിടുന്നു.