അയോധ്യ: അയോധ്യയിൽ ഇന്ത്യൻ ആർമിയിലെ ലാൻസ് നായിക് വൈദ്യുതാഘാതമേറ്റ് മരിച്ചു(electrocution). ദോഗ്ര റെജിമെന്റ് സെന്ററിൽ നിയമിതനായ മഹാരാഷ്ട്ര സ്വദേശി ലാൻസ് നായിക് നിതേഷ് ഗേറ്റ്(37) ആണ് പുല്ല് വൃത്തിയാക്കുന്ന യന്ത്രം പ്രവർത്തിപ്പിക്കുന്നതിനിടെ വൈദ്യുതാഘാതമേറ്റ് മരിച്ചത്.
ഇന്ന് രാവിലെ 7 മണിയോടെയാണ് സംഭവം നടന്നത്. യന്ത്രത്തിൽ പെട്ടെന്ന് വൈദ്യുത ചാർജ്ജ് ഉണ്ടായതാണ് അപകട കാരണമെന്നാണ് വിലയിരുത്തൽ. അപകടം ശ്രദ്ധയിൽപ്പെട്ട സഹ സൈനികർ സഹായത്തിനായി ഓടിയെത്തിയെങ്കിലും ജീവൻ രക്ഷിക്കാനായില്ല. 5 മറാത്ത ലൈറ്റ് ഇൻഫൻട്രി യൂണിറ്റിൽ സേവനമനുഷ്ഠിച്ചിട്ടുള്ളയാളാണ് ലാൻസ് നായിക് നിതേഷ് ഗേറ്റ്.