കുംഭമേള 2027: "അടിയന്തര സാഹചര്യങ്ങളെ നേരിടാൻ യുദ്ധമുറി സ്ഥാപിക്കും, വളണ്ടിയർമാർക്ക് പരിശീലനം നൽകും" - നാസിക് പോലീസ് | Kumbh Mela 2027

നാസിക്: നാസിക്കിലും ത്രയംബകേശ്വറിലും 2027 ൽ നടക്കാനിരിക്കുന്ന കുംഭമേളയ്ക്ക് അടിയന്തര സാഹചര്യങ്ങളെ നേരിടാൻ ഒരു യുദ്ധമുറി സ്ഥാപിക്കുമെന്ന് നാസിക് പോലീസ് സേന വ്യക്തമാക്കി(Kumbh Mela 2027). പ്രയാഗ്‌രാജിന്റെ മാതൃകയിലാണ് യുദ്ധ മുറി സ്ഥാപിക്കുക. ആരോഗ്യം, പോലീസ്, ജില്ലാ ഭരണകൂടം, സംസ്ഥാന ഗതാഗത കോർപ്പറേഷൻ, റെയിൽവേ തുടങ്ങി വിവിധ വകുപ്പുകളിൽ നിന്നുള്ള ഉദ്യോഗസ്ഥർ വാർ റൂമിൽ ഉണ്ടാകും.

ഒപ്പം ജനക്കൂട്ട നിയന്ത്രണം, ദുരന്തനിവാരണം, തിരക്കിനിടയിൽ പെട്ടാൽ സ്വീകരിക്കേണ്ട മുൻകരുതലുകൾ തുടങ്ങിയവയ്ക്ക് നാസിക് പോലീസ്, വളണ്ടിയർമാർക്ക് പരിശീലനം നൽകും. മാത്രമല്ല; വിശദമായ ആസൂത്രണത്തിന് എ.ഐ സാങ്കേതിക വിദ്യ ഉപയോഗിക്കാനും നീക്കമുണ്ട്. 2025-ൽ പ്രയാഗ്‌രാജിൽ നടന്ന കുംഭമേളയിൽ നിരവധി അപകട സംഭവങ്ങൾ ഉണ്ടായതിന്റെ പശ്ചാത്തലത്തിലാണ് തീരുമാനം.