കൊൽക്കത്തയിലെ ഏറെ പ്രസിദ്ധമായ ഹൈന്ദവ ക്ഷേത്രമാണ് കാളിഘട് കാളി ക്ഷേത്രം (Kalighat Temple). സതി ദേവിയുടെ 51 ശക്തിപീഠങ്ങളിൽ ഒന്നായി ഈ ക്ഷേത്രത്തെ കാണപ്പെടുന്നു. ഈ ക്ഷേത്രത്തിൽ നിന്നാണ് കൊൽക്കത്ത നഗരത്തിന്റെ പേര് ഉത്ഭവിച്ചത് എന്നും പറയപ്പെടുന്നു. കാളി ദേവിയാണ് ക്ഷേത്രത്തിലെ പ്രധാന പ്രതിഷ്ഠ. ദേവിയെ ഭവതാരിണിയെന്നും അറിയപ്പെടുന്നു. ദാക്ഷായണിയായ സതിയുടെ വലതുകാലിന്റെ കാൽവിരലുകൾ വീണ സ്ഥലമാണ് കാളിഘട് കാളി ക്ഷേത്രം എന്നാണ് വിശ്വാസം. ഏകദേശം 200 വർഷത്തോളം പഴക്കമുണ്ട് ഇന്നത്തെ കാളിഘട് ക്ഷേത്രത്തിന്. 1809 ലാണ് ഇന്നത്തെ ഘടനാപരമായ ക്ഷേത്രം പണി കഴിപ്പിച്ചത്. ക്ഷേത്ര നിർമ്മാണംപൂർത്തീകരിക്കാൻ 11 വർഷങ്ങൾ വേണ്ടി വന്നു.
1880 ലാണ് ക്ഷേത്രത്തിലെ ബലിപീഠം നിർമ്മിക്കുന്നത്. ഏകദേശം മൂന്നടി ഉയരമുള്ള ഒരു ചെറിയ കള്ളിച്ചെടിയുള്ള ചതുരാകൃതിയിലുള്ള ബലിപീഠമാണ് ക്ഷേത്രത്തിലേത്. ക്ഷേത്രത്തിന്റെ ഒരു മര ചുവട്ടിൽ, ഒരു ബലിപീഠത്തിൽ ഷഷ്ഠി (ഷോഷ്ടി), ശീതല, മംഗൾ ചണ്ഡി എന്നീ ദേവതകളെ പ്രതിനിധീകരിക്കുന്ന മൂന്ന് കല്ലുകൾ ഇടത്തു നിന്ന് വലത്തോട്ട് സ്ഥാപിച്ചിരിക്കുന്നു. ക്ഷേത്രത്തിലെ എല്ലാ പുരോഹിതരും സ്ത്രീകളാണ്. ഇവിടത്തെ ദേവതകളെ കാളിയുടെ ഭാഗമായാണ് കണക്കാക്കുന്നത്.
ക്ഷേത്രത്തിലെ ശ്രദ്ധേയമായ സവിശേഷത ക്ഷേത്രത്തിലെ കുളമാണ്. ഈ ക്ഷേത്ര കുളത്തിൽ മുങ്ങിയാൽ സന്താന ഭാഗ്യം ലഭിക്കുമെന്നും, ഈ ജലം ഗംഗ നദി പോലെ വളരെ പവിത്രമാണെന്ന് വിശ്വസിക്കുന്നു. ക്ഷേത്രത്തിൽ എല്ലാ ദിവസങ്ങളിലും ആരാധനകളും പൂജകളും നടക്കാറില്ല. ക്ഷേത്രത്തിൽ പ്രധാന വിശേഷ ദിവസങ്ങളാണ് കാളി പൂജ, നവരാത്രി, ദീപാവലി തുടങ്ങിയവ. കാളി ദേവിയുടെ അനുഗ്രഹത്തിനായി ക്ഷേത്രത്തിലെത്തുന്ന ഭക്തർ നിരവധിയാണ്.