ന്യൂഡൽഹി: ഇറാൻ പരമോന്നത നേതാവ് ആയത്തുള്ള അലി ഖമേനി കൊല്ലപ്പെട്ട സംഭവത്തിൽ അനുശോചനം അറിയിക്കാൻ മുതിർന്ന നേതാവ് കപിൽ സിബൽ ഡൽഹിയിലെ ഇറാൻ എംബസിയിലെത്തി. ആധുനിക ലോകത്ത് തർക്കങ്ങൾ പരിഹരിക്കേണ്ടത് ആയുധങ്ങൾ കൊണ്ടല്ല, മറിച്ച് ചർച്ചകളിലൂടെയാകണമെന്ന് അദ്ദേഹം പറഞ്ഞു.(Khamenei’s assassination, Kapil Sibal visits Iranian embassy to express condolences)
രണ്ടാം ലോകമഹായുദ്ധത്തിന് ശേഷം കെട്ടിപ്പടുത്ത സമാധാനാധിഷ്ഠിതമായ ലോകക്രമം തകരുകയാണെന്ന് അദ്ദേഹം ആശങ്കപ്പെട്ടു. കരുത്തുള്ളവന്റെ നിയമം അല്ലെങ്കിൽ ‘കാട്ടുനീതി’ നടപ്പിലാക്കുന്ന അവസ്ഥയിലേക്ക് ലോകം മാറുന്നത് ആപൽക്കരമാണെന്നും അദ്ദേഹം ഓർമ്മിപ്പിച്ചു. രാജ്യങ്ങൾക്കിടയിൽ അഭിപ്രായ വ്യത്യാസങ്ങൾ സ്വാഭാവികമാണെന്നും എന്നാൽ അവ പരിഹരിക്കാൻ സമാധാനപരമായ ചർച്ചകൾ മാത്രമേ പോംവഴിയുള്ളൂവെന്നും കപിൽ സിബൽ കൂട്ടിച്ചേർത്തു.
