ന്യൂഡൽഹി : സർവ്വകലാശാലകളിലെ താൽക്കാലിക വി സി നിയമനം സംബന്ധിച്ച് കേരള സർക്കാർ ഗവർണർക്കെതിരെ സുപ്രീംകോടതിയെ സമീപിച്ചു. ഗവർണറുടെ ഉത്തരവ് റദ്ദാക്കണം എന്നാണ് ആവശ്യം. (Kerala reaches out to SC against Governor)
ഡിജിറ്റൽ, സാങ്കേതിക സർവ്വകലാശാലകളിലെ താൽക്കാലിക വി സി നിയമനം ചട്ടവിരുദ്ധമാണ് എന്നാണ് സർക്കാർ പറയുന്നത്. സർക്കാരുമായി ആലോചിക്കാതെ ഏകപക്ഷീയമായി ഗവർണർ എടുത്ത തീരുമാനമാണ് ഇതെന്നും ഹർജിയിൽ വ്യക്തമാക്കുന്നു.
സംസ്ഥാനത്തിനായി ഹർജി സമർപ്പിച്ചത് സ്റ്റാൻഡിങ് കൗൺസിൽ അംഗം സി കെ ശശിയാണ്. നാളെ കേസ് ജസ്റ്റിസുമാരായ ജെ ബി പർദിവാല, ആർ മഹാദേവൻ എന്നിവരുടെ ബെഞ്ച് പരിഗണിക്കും.