റായ്പുർ : മനുഷ്യക്കടത്തും മതപരിവർത്തനവും ആരോപിച്ച് ഛത്തീസ്ഗഡിൽ അറസ്റ്റ് ചെയ്ത മലയാളി കന്യാസ്ത്രീകളുടെ ജാമ്യത്തിനായി ഹൈക്കോടതിയെ സമീപിക്കുന്നതിന് മുൻപായി എൻ ഐ എ കോടതിയെ സമീപിച്ചു. ജാമ്യ ഹർജി സമർപ്പിച്ചു. പുതിയ നീക്കം ഉണ്ടായിരിക്കുന്നത് സീനിയർ അഭിഭാഷകൻ്റെ ഉപദേശ പ്രകാരമാണ്. (Kerala nuns arrested in Chhattisgarh)
ഇന്ന് ഹൈക്കോടതിയിൽ ഹർജി നൽകിയാൽ നടപടിക്രമങ്ങൾ നീണ്ടു പോവുകയും ഹർജി പരിഗണിക്കുന്ന ദിവസവും നീണ്ടു പോവുകയും ചെയ്യുമെന്നത് കണക്കിലെടുത്താണ് ഈ തീരുമാനം. ഹൈക്കോടതി നാളെയും മറ്റന്നാളും അവധിയാണെന്നും, എൻ ഐ എ കോടതി നാളെ പ്രവർത്തിക്കുമെന്നും പരിഗണനയിൽ എടുത്ത് കൊണ്ടുള്ളതാണ് ഈ നീക്കം.
കന്യാസ്ത്രീകളുടെ കുടുംബങ്ങളും രാഷ്ട്രീയ പാർട്ടികളുടെ പ്രതിനിധികളും ചേർന്നാണ് ഈ തീരുമാനത്തിൽ എത്തിയത്. കന്യാസ്ത്രീകൾക്കായി ഹർജി നൽകുന്നത് സഭ നേതൃത്വം ആണ്.