ബെംഗളൂരു: പ്രൊഫസറുമായി ബന്ധമുണ്ടെന്ന് സഹപാഠികൾ അപവാദം പ്രചരിപ്പിച്ചതിൽ മനംനൊന്ത് മെഡിക്കൽ വിദ്യാർത്ഥിനി ജീവനൊടുക്കി (Medical Student Suicide Karnataka). കർണാടക മല്ലദിഹള്ളിയിലെ രാഘവേന്ദ്ര ആയുർവേദ കോളേജിലെ ബിഎഎംഎസ് (BAMS) അവസാന വർഷ വിദ്യാർത്ഥിനിയായ നിഖിതയാണ് മരിച്ചത്. സംഭവസ്ഥലത്തുനിന്ന് പോലീസ് ആത്മഹത്യാക്കുറിപ്പ് കണ്ടെടുത്തു.നിഖിതയുടെ പിതാവ് ഉമാശങ്കർ നൽകിയ പരാതിയിൽ സഹപാഠികൾക്കെതിരെ ഗുരുതരമായ ആരോപണങ്ങളാണ് ഉന്നയിച്ചിരിക്കുന്നത്:
കോളേജിലെ പ്രൊഫസറായ ഡോ. രാജുവുമായി നിഖിതയ്ക്ക് നല്ല സൗഹൃദമുണ്ടായിരുന്നു. എന്നാൽ ഈ സൗഹൃദത്തെക്കുറിച്ച് സഹപാഠികൾ മോശമായ രീതിയിൽ അപവാദങ്ങൾ പ്രചരിപ്പിക്കുകയും നിരന്തരം പരിഹസിക്കുകയും ചെയ്തിരുന്നു. സഹപാഠികളുടെ പെരുമാറ്റം നിഖിതയെ മാനസികമായി തകർത്തിരുന്നു. ഇക്കാര്യം നിഖിത വീട്ടിൽ അറിയിച്ചിരുന്നെങ്കിലും പഠനത്തിൽ ശ്രദ്ധ കേന്ദ്രീകരിക്കാനാണ് വീട്ടുകാർ ഉപദേശിച്ചത്.
പരിഹാസങ്ങളും മാനസിക സംഘർഷവും സഹിക്കാനാവാതെ വന്നതോടെ ബുധനാഴ്ച നിഖിത ആത്മഹത്യ ചെയ്യുകയായിരുന്നു.
മകളുടെ മരണത്തിന് ഉത്തരവാദികളായ സഹപാഠികൾക്കെതിരെ കർശന നടപടി സ്വീകരിക്കണമെന്ന് ഉമാശങ്കർ പോലീസിനോട് ആവശ്യപ്പെട്ടു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. വിദ്യാർത്ഥിനിയുടെ മരണത്തെത്തുടർന്ന് കോളേജ് കാമ്പസിൽ വലിയ പ്രതിഷേധങ്ങൾ ഉയർന്നിട്ടുണ്ട്.
Story Summary:
Nikitha, a final-year BAMS student at Raghavendra Ayurveda College in Malladihalli, Karnataka, died by suicide following alleged harassment and character assassination by her classmates. Her father, Umashankar, filed a police complaint stating that classmates spread rumors about Nikitha’s friendship with a professor, Dr. Raju. Despite her family’s advice to ignore the taunts, she took the extreme step due to severe mental distress. Police have recovered a suicide note and initiated an investigation.
