ബാംഗ്ലൂർ: ചിന്നസ്വാമി സ്റ്റേഡിയത്തിൽ ആർസിബി വിജയാഘോഷത്തിനിടെയുണ്ടായ അപകടത്തെ തുടർന്ന് സ്റ്റേഡിയം മാറ്റി സ്ഥാപിക്കാനുള്ള സാധ്യത പരിശോധന കർണാടക മുഖ്യമന്ത്രി സിദ്ധരാമയ്യയുടെ പരിഗണനയിൽ(Chinnaswamy Stadium). സുരക്ഷാ കാരണങ്ങളാൽ ക്രിക്കറ്റ് സ്റ്റേഡിയം മറ്റൊരിടത്തേക്ക് മാറ്റണമെന്ന ആവശ്യത്തെ തുടർന്നാണ് നടപടി.
ഒരു തീരുമാനങ്ങൾ എടുക്കുന്നതിന് മുമ്പ് അനുയോജ്യമായ ഒരു സ്ഥലം കണ്ടെത്തണമെന്നും അദ്ദേഹം കൂട്ടിച്ചേർത്തു. ഒരു സർക്കാരിന്റെയും കീഴിൽ ഇത്തരമൊരു സംഭവം ഒരിക്കലും സംഭവിക്കരുതെന്നും ഈ വിഷയം സംസ്ഥാന സർക്കാർ ഗൗരവമായി എടുക്കുന്നുണ്ടെന്നും മുഖ്യമന്ത്രി സിദ്ധരാമയ്യ ഉറപ്പുനൽകി. അതേസമയം, ചിന്നസ്വാമി സ്റ്റേഡിയത്തിൽ ആഘോഷപരിപാടിക്കിടെ 11 പേർ മരിക്കുകയും 56 പേർക്ക് പരിക്കേൽക്കുകയും ചെയ്തിരുന്നു.