ന്യൂഡൽഹി: ജസ്റ്റിസ് വർമ്മയെ നീക്കം ചെയ്യാനുള്ള പ്രമേയത്തിൽ 100 ൽ അധികം എംപിമാർ ഒപ്പിട്ടതായി കേന്ദ്ര പാർലമെന്ററി കാര്യ മന്ത്രി കിരൺ റിജിജു വ്യക്തമാക്കി(Justice Verma's impeachment). ഇതിൽ 40 എംപിമാർ ലോക്‌സഭയിലെ പ്രതിപക്ഷ നേതാവ് രാഹുൽ ഗാന്ധി ഉൾപ്പെടെയുള്ള കോൺഗ്രസ് നേതാക്കളാണ്.
ജൂലൈ 21 മുതൽ ആരംഭിക്കുന്ന പാർലമെന്റിന്റെ വർഷകാല സമ്മേളനത്തിലാണ് ജസ്റ്റിസ് വർമ്മയുടെ ഇംപീച്ച്‌മെന്റ് പ്രമേയം പരിഗണിക്കുക. ഡൽഹി ഹൈക്കോടതി ജഡ്ജിയായ ജസ്റ്റിസ് വർമ്മയുടെ വസതിയിൽ നിന്നും കറൻസി നോട്ടുകൾ കണ്ടെത്തിയതിനെ തുടർന്നാണ് അന്വേഷണം നടന്നത്. തുടർന്ന് ജസ്റ്റിസ് വർമ്മയെ അലഹബാദ് ഹൈക്കോടതിയിലേക്ക് തിരിച്ചയക്കുകയായിരുന്നു.