റാഞ്ചി: ജാർഖണ്ഡ് വിദ്യാഭ്യാസ മന്ത്രി രാംദാസ് സോറന്റെ നില അതീവ ഗുരുതരമെന്ന് മെഡിക്കൽ ബുള്ളറ്റിൻ(Jharkhand Education Minister Ramdas Soren). ഡൽഹിയിലെ ആശുപത്രിയിൽ ചികിത്സയിൽ കഴിയുന്ന മന്ത്രി ജീവൻ രക്ഷാ ഉപകരണങ്ങളുടെ സഹായത്തോടെയാണ് തുടരുന്നത്.
ഇന്ന് വൈകുന്നേരം ഡോക്ടർമാരുടെ ഒരു സംഘം മന്ത്രിയെ അപ്നിയ പരിശോധനയ്ക്ക് വിധേയമാക്കുമെന്നാണ് വിവരം. മസ്തിഷ്ക മരണം നിർണ്ണയിക്കുന്നതിനുള്ള നിർബന്ധിത പരിശോധനയാണ് അപ്നിയ പരിശോധന.
അതേസമയം വസതിയിലെ കുളിമുറിയിൽ വീണതിനെ തുടർന്ന് ആഗസ്റ്റ് 2 നാണ് മന്ത്രിയെ ജംഷഡ്പൂരിൽ നിന്ന് ഹെലികോപ്റ്റർ മുഖേന ഡൽഹിയിലെ ആശുപത്രിയിൽ എത്തിച്ചത്.