ത്സാൻസി: ഉത്തർപ്രദേശിലെ ത്സാൻസിയിൽ ലിവിംഗ്-ടുഗദർ പങ്കാളിയെ ക്രൂരമായി കൊലപ്പെടുത്തി മൃതദേഹം ട്രങ്കിലിട്ട് കത്തിച്ച റെയിൽവേ മുൻ ഉദ്യോഗസ്ഥൻ ഒളിവിൽ (Jhansi Murder Case). രണ്ട് ഭാര്യമാരുള്ള റാം സിംഗ് എന്നയാളാണ് തന്റെ മൂന്നാം പങ്കാളിയായ പ്രീതിയെ കൊലപ്പെടുത്തിയത്. കൊലപാതകത്തിന് ശേഷം മൃതദേഹം ട്രങ്കിലിട്ട് കത്തിക്കുകയും അവശിഷ്ടങ്ങൾ നദിയിൽ ഒഴുക്കുകയും ചെയ്തുവെന്നാണ് റിപ്പോർട്ട്.
ജനുവരി എട്ടിനാണ് പ്രീതി കൊല്ലപ്പെട്ടതെന്നാണ് പോലീസ് നിഗമനം. മൃതദേഹം ഒളിപ്പിച്ച ശേഷം റാം സിംഗ് ഒരു മെറ്റൽ ട്രങ്ക് വാങ്ങുകയും മരക്കഷ്ണങ്ങൾ ശേഖരിച്ച് അതിനുള്ളിലിട്ട് മൃതദേഹം കത്തിക്കുകയുമായിരുന്നു. തെളിവ് നശിപ്പിക്കാനായി ചിതാഭസ്മം നദിയിൽ ഒഴുക്കി. പിന്നീട് ഈ പെട്ടി തന്റെ രണ്ടാമത്തെ ഭാര്യയുടെ വീട്ടിലേക്ക് മാറ്റാൻ മകനെ ചുമതലപ്പെടുത്തി. ഒരു വാടക വാഹനം വിളിച്ചാണ് പെട്ടി കൊണ്ടുപോയത്.
പെട്ടി മാറ്റുന്നതിനിടെ അതിനുള്ളിൽ നിന്ന് വെള്ളം ഒഴുകുന്നത് കണ്ട് സംശയം തോന്നിയ ഡ്രൈവർ പോലീസിനെ വിവരമറിയിച്ചതോടെയാണ് ക്രൂരമായ കൊലപാതകം പുറംലോകമറിഞ്ഞത്. പോലീസ് പെട്ടി തുറന്ന് പരിശോധിച്ചപ്പോൾ കത്തിക്കരിഞ്ഞ അസ്ഥിക്കഷ്ണങ്ങളും കൽക്കരിക്ക് സമാനമായ അവശിഷ്ടങ്ങളും കണ്ടെത്തി. ഇവ ഫോറൻസിക് പരിശോധനയ്ക്ക് അയച്ചിരിക്കുകയാണ്.
പ്രീതിയുടെ ഭാഗത്തുനിന്നുള്ള നിരന്തരമായ സാമ്പത്തിക ആവശ്യങ്ങളാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം. റാം സിംഗിന്റെ മകനടക്കം രണ്ട് പേരെ പോലീസ് കസ്റ്റഡിയിലെടുത്തിട്ടുണ്ട്. ഒളിവിൽ പോയ റാം സിംഗിനായി പോലീസ് തിരച്ചിൽ ഊർജ്ജിതമാക്കി.
In Jhansi, a retired railway employee named Ram Singh allegedly murdered his live-in partner, Preeti, and burnt her body inside a metal trunk to destroy evidence. Singh, who has two wives, attempted to move the trunk containing charred remains to his second wife’s house, but was caught after a suspicious loader driver alerted the police. While Singh's son has been detained, the main accused remains at large as police investigate financial disputes as a motive.