ഗ്വാളിയോർ: സ്വന്തം മകന്റെ കൊലപാതകത്തിന് അമ്മയ്ക്ക് ജീവപര്യന്തം തടവുശിക്ഷ വിധിച്ച് മധ്യപ്രദേശിലെ ഗ്വാളിയോർ കോടതി (Jatin Murder Case). പോലീസ് കോൺസ്റ്റബിളായ ധ്യാൻ സിംഗ് റാത്തോഡിന്റെ ഭാര്യ ജ്യോതി റാത്തോഡിനെയാണ് അഞ്ചു വയസ്സുകാരനായ മകൻ ജതിനെ കൊലപ്പെടുത്തിയ കേസിൽ കോടതി ശിക്ഷിച്ചത്. അയൽവാസിയുമായുള്ള അവിഹിതബന്ധം മകൻ നേരിൽ കണ്ടതിനെത്തുടർന്ന് രഹസ്യം പുറത്താകുമെന്ന് ഭയന്നാണ് ജ്യോതി ഈ ക്രൂരത ചെയ്തതെന്ന് പ്രോസിക്യൂഷൻ തെളിയിച്ചു.
2023 ഏപ്രിൽ 28-നായിരുന്നു കേസിനാസ്പദമായ സംഭവം നടന്നത്. അയൽവാസിയായ ഉദയ് ഇൻഡോളിയയുമായി ജ്യോതി അപമര്യാദയായ സാഹചര്യത്തിൽ ഇരിക്കുന്നത് മകൻ ജതിൻ കാണാനിടയായി. വിവരം മകൻ പിതാവിനോട് പറയുമെന്ന് ഭയന്ന ജ്യോതി, കുട്ടിയെ കെട്ടിടത്തിന്റെ രണ്ടാം നിലയിൽ നിന്ന് താഴേക്ക് വലിച്ചെറിയുകയായിരുന്നു. ഗുരുതരമായി പരിക്കേറ്റ ജതിൻ 24 മണിക്കൂറിനുള്ളിൽ മരണത്തിന് കീഴടങ്ങി. ആദ്യം ഇതൊരു അപകടമരണമായാണ് കരുതിയിരുന്നതെങ്കിലും കുട്ടിയുടെ മരണത്തിൽ പിതാവ് ധ്യാൻ സിംഗിന് സംശയം തോന്നിയിരുന്നു.
മകൻ മരിച്ച് 15 ദിവസത്തിന് ശേഷം ജ്യോതി തന്റെ കുറ്റം ഭർത്താവിനോട് ഏറ്റുപറഞ്ഞു. ഈ സംഭാഷണങ്ങൾ റെക്കോർഡ് ചെയ്ത ധ്യാൻ സിംഗ്, വീട്ടിലെ സിസിടിവി ദൃശ്യങ്ങൾ സഹിതം പോലീസിൽ പരാതി നൽകി. പോലീസ് നടത്തിയ അന്വേഷണത്തിൽ ജ്യോതിയുടെ പങ്കും അയൽവാസിയുമായുള്ള ബന്ധവും സ്ഥിരീകരിച്ചു. കോടതി വിചാരണയ്ക്കിടെ സാഹചര്യത്തെളിവുകളുടെയും ഓഡിയോ-വീഡിയോ ദൃശ്യങ്ങളുടെയും അടിസ്ഥാനത്തിൽ ജ്യോതി കുറ്റക്കാരിയാണെന്ന് കണ്ടെത്തി. അതേസമയം, കേസിൽ പ്രതിയായിരുന്ന കാമുകൻ ഉദയിനെ തെളിവുകളുടെ അഭാവത്തിൽ കോടതി വെറുതെ വിട്ടു.
A court in Gwalior, Madhya Pradesh, has sentenced Jyoti Rathore to life imprisonment for the murder of her five-year-old son, Jatin. The boy was killed in April 2023 after he caught his mother in a compromising position with a neighbor. Fearing the secret would be revealed to her police constable husband, Jyoti threw her son from a two-story rooftop. The crime was uncovered after the husband recorded his wife's confession and provided CCTV evidence to the police.