ജമുയി: ബിഹാറിലെ ജമുയി ജില്ലയിൽ പോലീസ് സ്റ്റേഷന് വെറും 300 മീറ്റർ മാത്രം അകലെ സ്വർണ്ണ വ്യാപാരിക്ക് നേരെ വൻ കവർച്ച (Jamui Gold Merchant Robbery). ആയുധധാരികളായ ഏഴംഗ സംഘം വ്യാപാരിയെ തടഞ്ഞുനിർത്തി 50 ലക്ഷം രൂപ കൊള്ളയടിക്കുകയും എതിർത്തപ്പോൾ വെടിയുതിർക്കുകയും ചെയ്തു. ജമുയി നഗരത്തിലെ പുരാണി ബസാർ സ്വദേശിയായ വിക്രം സോണി (35) എന്ന വിക്കി സോണിക്കാണ് ആക്രമണത്തിൽ പരിക്കേറ്റത്.
വെള്ളിയാഴ്ച രാത്രി ജമുയി-മലയ്പൂർ പ്രധാന പാതയിലെ ആഞ്ജൻ നദി പാലത്തിന് സമീപമാണ് സംഭവം. മൊത്തവ്യാപാരത്തിനായി പണവുമായി ബൈക്കിൽ റെയിൽവേ സ്റ്റേഷനിലേക്ക് പോവുകയായിരുന്നു വിക്രം. രണ്ട് ബൈക്കുകളിലായി എത്തിയ ആറംഗ സംഘവും ഓട്ടോറിക്ഷയിൽ എത്തിയ ഒരാളും ചേർന്ന് ഇദ്ദേഹത്തെ വളയുകയായിരുന്നു. തോക്കിൻമുനയിൽ പണം തട്ടിയെടുക്കാൻ ശ്രമിച്ചപ്പോൾ വിക്രം പ്രതിരോധിച്ചു. ഇതോടെ അക്രമികൾ തോക്കിന്റെ പിൻഭാഗം കൊണ്ട് ഇദ്ദേഹത്തിന്റെ തലയ്ക്കടിക്കുകയും വെടിയുതിർക്കുകയും ചെയ്ത ശേഷം ക്യൂൽ ഭാഗത്തേക്ക് രക്ഷപ്പെടുകയായിരുന്നു.
സംഭവസ്ഥലത്തിന് തൊട്ടടുത്താണ് പോലീസ് സ്റ്റേഷൻ എന്നുള്ളത് പോലീസിന്റെ സുരക്ഷാ വീഴ്ചയെക്കുറിച്ചുള്ള പ്രതിഷേധത്തിന് കാരണമായിട്ടുണ്ട്. വിവരമറിഞ്ഞ ഉടൻ ജമുയി എസ്പി വിശ്വജിത് ദയാൽ, എസ്എച്ച്ഒ ശേഖർ സൗരഭ് എന്നിവർ ആശുപത്രിയിലെത്തി പരിക്കേറ്റ വ്യാപാരിയെ സന്ദർശിച്ചു. പ്രതികളെ കണ്ടെത്താനായി പ്രദേശം കേന്ദ്രീകരിച്ച് സിസിടിവി ദൃശ്യങ്ങൾ പരിശോധിച്ചുവരികയാണെന്നും ശക്തമായ നടപടി സ്വീകരിക്കുമെന്നും എസ്പി അറിയിച്ചു.
A gold merchant was robbed of Rs 50 lakh at gunpoint by a gang of seven masked criminals in Jamui, Bihar, just 300 meters away from the local police station. The victim, Vikram Sony, was attacked and shot at when he resisted the robbery while heading to the railway station for business on Friday night. Local police, including SP Vishwajeet Dayal, have launched an intensive investigation to track down the fleeing suspects who escaped toward the Kiul area.