ജഗ്ദീപ് ധൻഖറിന്റെ രാജി: ഉപരാഷ്ട്രപതി തിരഞ്ഞെടുപ്പ് നടത്തുന്നതിനുള്ള നടപടിക്രമങ്ങൾ ആരംഭിച്ച് തിരഞ്ഞെടുപ്പ് കമ്മീഷൻ | Vice Presidential election

ന്യൂഡൽഹി: ജഗ്ദീപ് ധൻഖർ രാജി സമർപ്പിച്ചതിനെ തുടർന്ന് അടുത്ത ഉപരാഷ്ട്രപതി തിരഞ്ഞെടുപ്പ് നടത്തുന്നതിനുള്ള നടപടിക്രമങ്ങൾക്ക് തുടക്കമായി(Vice Presidential election). നടപടികൾ പൂർത്തിയായാൽ ഉപരാഷ്ട്രപതി തിരഞ്ഞെടുപ്പിനുള്ള പ്രഖ്യാപനം ഉടൻ ഉണ്ടാകുമെന്ന് തിരഞ്ഞെടുപ്പ് കമ്മീഷൻ അറിയിച്ചു.

രണ്ടു ദിവസം മുൻപാണ് നിയുക്ത വൈസ് പ്രസിഡന്റ് സ്ഥാനത്തുനിന്ന് ജഗ്ദീപ് ധൻഖർ രാജിവച്ചത്. ആരോഗ്യപരമായ കാരണങ്ങൾ ചൂണ്ടിക്കാട്ടിയാണ് അദ്ദേഹം രാജി സമർപ്പിച്ചത്.

"2025-ലെ ഉപരാഷ്ട്രപതി തിരഞ്ഞെടുപ്പിനുള്ള ഒരുക്കങ്ങൾ ഇന്ത്യൻ തിരഞ്ഞെടുപ്പ് കമ്മീഷൻ ആരംഭിച്ചു കഴിഞ്ഞു. ഒരുക്ക പ്രവർത്തനങ്ങൾ പൂർത്തിയായാൽ, ഉപരാഷ്ട്രപതിയുടെ ഓഫീസിലേക്കുള്ള തിരഞ്ഞെടുപ്പ് ഷെഡ്യൂൾ പ്രഖ്യാപനം എത്രയും വേഗം ഉണ്ടാകും" - വോട്ടെടുപ്പ് കമ്മീഷൻ അറിയിച്ചു.