രോഹിത് ശര്മ്മയുടെ ഫിറ്റ്നസ് സംബന്ധിച്ച വിവാദം ദൗര്ഭാഗ്യകരവും അനാവശ്യവുമെന്ന് ഹര്ഭജന് സിങ്. കായികതാരങ്ങളും വികാര വിചാരങ്ങളുള്ള മനുഷ്യരാണ്. കളിയെക്കുറിച്ച് യാതൊരു അറിവുമില്ലാത്ത ആളുകള് പരാമര്ശങ്ങള് നടത്തുന്നത് വേദനാജനകം. കളിയെയും കളിക്കാരെയും ബഹുമാനിക്കുക. – ഹര്ഭജന് സിങ് എക്സില് കുറിച്ചു. രോഹിത് മികച്ച കളിക്കാരനും ഇന്ത്യന് ക്രിക്കറ്റിന് വലിയ സംഭാവനകള് നല്കിയ അസാധാരണ താരവുമാണെന്നും അദ്ദേഹം കൂട്ടിച്ചേര്ത്തു.
ഇന്നലെ നടന്ന ഇന്ത്യ- ന്യൂസിലന്ഡ് ചാമ്പ്യന്സ് ട്രോഫി മത്സരത്തിന് പിന്നാലെയാണ് രോഹിത് ശര്മ്മ തടിയനെന്നും കായികതാരത്തിന് ചേര്ന്ന ശരീരപ്രകൃതിയല്ലെന്നും ഭാരം കുറയ്ക്കേണ്ടതുണ്ടെന്നും ഷമ എക്സില് കുറിച്ചത്. ഇന്ത്യന് ക്രിക്കറ്റ് കണ്ട എക്കാലത്തെയും മോശം ക്യാപ്റ്റനാണ് രോഹിത് എന്നും ഷമയുടെ പോസ്റ്റിലുണ്ടായിരുന്നു.